Tusagassiorfinnut nalunaarut

Nuna tamakkerlugu Ilitsersuisarfiup aqqutsissiuusisut ataatsimeersuarnerat Ilulissani Hotel Arctic ulluni

pingasuni septembarip ulluisa 21-anniit 23-annut ingerlanneqartoq naammasseqqammerpaa. Aqqutissiuussisut

ataatsimeersuarneranni Nuna Tamakkerlugu Ilitsersuisarfiup ilisaritinnissaa, suleqatigiissutissanik aallarnisaanissaq,

aqqutsissiuussisut ulluinnarni atorsinnaasaannik sakkussinnissaat, ilinniartitaanerit nutaat

pillugit paasissutissinnissaat aqqutisiuussisut akornanni attaveqatigiinnissaq siunertaapput.

Aqqutissiuussisut ataatsimeersuarnerat ukiut allortarlugit pisarpoq ukiullu aappaa qeqqa qaangiuppat tassalu

2020-imi upernaakkut ingerlanneqaqqissalluni.

Ilitsersuisarfiup ataatsimeersuarnermi aqutsisoq, saqqummiussisut, oqalutsi immiussanilu nutserisoq, minnerunngitsumillu

aqqutsissiuussisut ataatsimeersuarneranni peqataasut ataatsimeersuarneq iluatsilluartoq

pillugu qutsavigerusuppai.

Ukioq manna 100-it missaat ilaatigut Ilinniartitaanermut Naalakkersuisoqarfimmeersut, Suliffeqarnermut

Naalakkersuisoqarfimmeersut, meeqqat atuarfianneersut, inuussutissarsiutinut qitiusumik ilinniarfinneersut,

meeqqat atuarfianniit ingerlaqqiffineersut, qaffasissumik ingerlaqqiffiusumik ilinniagaqarfinneersut

kiisalu Qaanaami sineriallu tamakkerlugu Natortalik tikillugu Tunumilu Majorissaneersut peqataapput.

Taakku saniatigut Ilitsersuisarfimmi sulisut peqataapput.

Naggataarnersiorluni nereqatigiinnissaaq sioqqullugu assilisaq.