GUX -imut tunngasut pillugit quppersagaq 2021-22 piareerpoq

GUX -imut tunngasut pillugit quppersagaq 2021-22 piareerpoq:

• Uanilu pissarsiassaalluni: https://sunngu.gl/kl-GL/Gymnasial-uddannelse (KAL)  https://sunngu.gl/da/Gymnasial-uddannelse (DK)
• GUX-imut tunngasut pillugit quppersakkamut toqqaannartumik attavik: https://sunngu.gl/~/media/Sunngu/GUX-filer/GUX%20studieretninger%202021-22%20KA.pdf?la=kl-GL (KAL) og https://sunngu.gl/~/media/Sunngu/GUX-filer/GUX%20studieretninger%202021-22%20DA.pdf?la=da (DK)
• GUX -imi ilinniartitaanerit pillugit neqeroorutinut takussutissiissummut toqqaannartumik attavik: https://sunngu.gl/~/media/Sunngu/GUX-filer/GUX%20oversigt%20A4%20KADA%202021-22.pdf?la=da (KAL /DK)

Naqitanngorluni decembari qiteqquppat Nuummut tikissaaq tassanngaanniillu siammarterneqassalluni. Allat timmisartukkut nassiunneqarput.

Ilinniarnertuunngorniarnermut atatillugu maleruagassat allanngorput

Ilinniarnertuunngorniarneq pillugu Inatsisatut inatsisaannut allannguutissatut siunnersuut Inatsisartuni 2020-imi novembarip ulluisa 27-ianni akuersissutigineqarpoq. Inatsimmut allannguut uani takuneqarsinnaavoq

Inatsimmut allannguutit 2021-imi januaarip aallaqqaataaniit 2021-imilu aggustip aallaqqaataaniit atuutilissapput.

Tulliuttumi allannguutit aqqutissiuussisunut pingaarnerpaatut nalilerneqartut erseqqissarneqarput. Inatsimmi namminermi allannguutaasoq innersuussutaavortaaq.

Ilinniartitaanerup sivisussusaa

• 2021-imi januaarip ulluisa aallaqqaataanniit ilinniartitaanernik ukiut marluk sisamalu akornannik sivisussusilinnik- GUX-imik ukiunik marlunnik sivisussusilimmik kiisalu Nuummi GUX-imi timersornermik sammisaqarluni ilinniarnermik ukiunik sisamanik sivisussusilimmik ilisimariikatsinnik- neqeroornissamut inatsisitigut tunngavissaqalerpoq.
• Inatsimmik allannguineq, ilinniartitaanernik eqaatsunik, ilinniartunut assigiinngitsunik soqutigisalinnut pisariaqartitalinnullu neqeroorutinik pilersitsinissamik anguniakkamut ilaavoq.

Semesteri siulleq

• Ilinniarnertuunngorniarfiit 2021-imi aggustip aallaqaataaniit semesterimik siullermik pilersaarusiornissamut eqaannerusunik toqqammavissaqalissapput. Tamatuma peqatigisaanik “tunngaviusumik ilinniarneq” atorunnaassaaq semesterilu siulleq tamatumunnga taarsiullugu atorneqalissalluni. Eqaatsumik ingerlatsinissamut, ass. meeqqat atuarfiannik suleqateqarnissap annertunerusumik periarfissaalernissaa, allannguinermi periarfissanut ilaavoq.

Ilinnialernissamut akuerisaaneq

Inatsisip 2021-imi januaarip ulluisa aallaqqaataanni atuutilersumik allanngorneragut ilinnialersussanik akuersisarneq pisariillisarneqarpoq:

• Qinnuteqartoq GUX-imut qinnuteqarnermi inatsisitigut piumasaqaatit/immikkut akuerineqarneq imal. misilitsinnerup akornanni toqqaasariaarutissaaq. Taammaalilluni GUX-imut qinnuteqarneq pisariinnerulissaaq.
• Ukiup naanissaata 2021-imilu januaarip ulluisa aallaqqaataata tungaanut qinnuteqarnermi maannamut periusasoq atuukkallassaaq. 2021-imi januaarip ulluisa aallaqqaataanniit qinnuteqarnermi immersugassaq Sunngumi, Sullissivimmi kiisalu Sullissivik aqqutigalugu qarasaasiakkut qinnuteqaat taarserneqassapput. Iserasuaammi qinnuteqarnerneq 2021-imi januaarip ulluisa aallaqqaataanniit allanngussaaq.
• 2021-imi januaarip ulluisa aallaqqaataat sioqqullugu tamatumaluunniit kingorna qinnuteqaatit, maleruagassat nutaat naapertorlugit assigiimmik suliarineqassapput. Ilinniarnertuunngorniarfiup qinnuteqaammik tigusisup, qinnuteqartup inatsisitigut piumasaqaatit, immikkulluunniit akuerineqarneq aqqutigalugu ilinnialernissamut akuerineqarnissaa imal. qinnuteqartup misilitsinnissamik neqeroorfigineqarnissaa naliliivigissavaa.
• Qinnuteqartut inatsisitigut piumasaqaatit tunngavigalugit immikkulluunniit akuerineqarneq aqqutigalugu ilinnialernissamut akuerisaanngitsut misilitsinnissamik neqeroorfigineqassapput.

Allannguinerit ilinniartitaanerit ataqatigiinnissaannut eqaatsumillu ingerlanneqarnissaannut atatillugu suliamut maanna ingerlanneqartumut sunniuteqaqataassapput.