Apeqqutigineqallataasut (FAQ)

Apeqqutit akissutillu

Center for National Vejledning

Ilinniarnermut inuussutissarsiutinullu atatillugu aqqutissiuussineq aqqutissiuussisut ikiuunneraat. Illit aqqutissiuunneqarniatut maanna inissisimaffimmiit siunissarilerumaakkamut ingerlariaqqinnissaq. Tamanna uagut Ilitsersuisarfimmi kisaatinnik paasiniaaninni qanorlu ilillutit tamatuma angunissaanut tapersersuinissatsinnik isumaqarpoq – tamanna peqatigiilluta iliuusissannut pilersaarusiornermik kinguneqarajussaaq. Aqqutissiuunneqarnerli paasissutissinneqarnissamik imal. ilinniakkamut toqqariikkannut qinnuteqarnissamut ikiorserneqarnissamik pisariaqartitsinerusinnaavoq. Ilinniartitaanerni qaffasinnerusuni ilinniakkavit naammassinissaanut aqqutaanilu toqqagassanut tunngatillugu ilinniagaq pillugu siunnersorteqarpoq. Ilinniartitaanermut inuussutissarsiutinillu siunnersuisarneq pillugu Inatsisartut inatsisaanni nr. 4, 29. november 2013-imeersumi aqqutissiuussinerit suut ingerlanneqarnissaat akisussaaffiullu Kommunit Naalakkersuisullu akornanni qanoq agguataarsimanera ersarissumik nassuiarneqarpoq. Ilinniartitaanermut inuussutissarsiutinillu siunnersuisarneq ilinniarfinni, Piareersarfinni, suliffissarsiuussisarfinni allanilu neqeroorutaavoq. Aqqutsissiuussinermik ilinnut neqeroortup, aqqutissiiuunneqarnermi suut naatsorsuutigisinnaanerannut tunngatillugu aaqqisuulluagaanissaa ersarissuunissaalu – tamatumunngalu atatillugu tamatigut ileqqorissaarnermut ilisarnaateqarnissaa pitsaassutsimillu qulakkeriuarnissaa inerisaajuarnissaalu- pingaaruteqarput.

Studenterrådgivningen

Ilinniartutut imal. innuttaasutut Piareersarfimmiittutut kinaassutsit isertuullugu saaffiginnissinnaavutit. Kinaassuseq isertuullugu saaffiginnittutut oqarasuaatitsinnut sianertoqarsinnaavoq imal. mailikkut uunga allattoqarsinnaavoq: its@aqqut.gl. Maili quppernerup A4-ip ataatsip nalinga sinnernanu annertussuseqassaaq. Ataatsimik akissutisisoqassaaq. Ullut 14-it iluanni akissutisisoqassaaq. Annertunerusumik siunnersortinnissaq pisariaqartikkukku nammineq (kinaassutsit isertuukkunnaarlugu) saaffiginninnissamut- immaqa ilinniagaq pillugu siunnersorti suleqatigalugu imal. illit nammineerlutit saaffiginninnissannut kajumissaarneqarputit. Saaffiginninnermi immersugassaq uani pissarsiarisinnaavat. Siunnersuinerup imal. katsorsaanerup neqeroorutaaneranik aallartinneqarneranillu ilinniagaq pillugu siunnersorti tamatigut nalunaarfigisarparput. Taamaaliornikkut oqaloqateqarnitit uppernarsarneqassapput takkutinngitsoornertullu nalunaassugaassanatik. Taamatuttaaq naammassigaangatta nalunaartarpugut. Nipangiussisussaatitaavugut suullu oqaluuserineqarnerat ilinniagaq pillugu siunnersortinnut oqaluttuarinaviarnagu.

Apeqqutinnut akissutissarsinngilatit? Taava attavigisigut