Siunnersuisunut atugassaannik allattorsimaffik: ilinniartunut tarnikkut atugarliutilinnut saaffiginninnissamut periarfissat

 

Ilinniartunut neqeroorut

  • Ilinniartunut Siunnersuisarfik
    • Sullitat neqeroorutillu: Nuna tamakkerlugu tapersersuineq aamma ilinniartunut katsorsarneqarnissamik neqeroorut. Aamma siunnersuisunut ilungersunartumik sulialinnut ilitsersorneqarnissamut periarfissaq.
    • Qanoq: Siunnersuisunut aamma ilinniartunut saaffiginninneq pissaaq saaffiginninnermi immersugassaq aqqut.gl-miittoq immersorneratigut.
  • Tusaannga
    • Sullitat neqeroorutillu: Kinaassutsit paasitinngikkaluarlugu oqarasuaatikkut siunnersorneqarneq. Neqeroorut tamanit atorneqarsinnaavoq.
    • Qanoq: SMS-erluni 1899-mut immaqaluunniit sianerluni oqarasuaammut 801180-mut.
    • Ammasarfiit: Ataasinngornermiit sisamanngorneq ilanngullugu nal. 9.00-22, tallimanngorneq aamma arfininngorneq nal. 16.00-4.00 aamma sapaatikkut nal. 16-22.
  • Allorfik
    • Sullitat neqeroorutillu: aanngajaarniutinik aamma aningaasanoorajunnermik pinngitsuuisinnaajunnaarsimasunik katsorsaaneq.
    • Qanoq: Kommunimi sullissisumut saaffiginninnikkut immaqaluunniit najugarisami immikkoortortaqarfimmi toqqaannaq saaffiginninnikkut.
    • Attavissat aamma ammasarfiit: ulluinnarni ammasarpoq nal. 9.00-15.00. Saafiginninneq pisinnaavoq allorfik@allorfik.gl –mut allalluni immaqaluunniit oqarasuaat 52 53 43-mut sianerluni.
    • Uani paasisaqarnerugit: allorfik.gl
  • Rejseholdet
    • Sullitat neqeroorutillu: inersimasunut, meeraanermi peroriartornermiluunniit kinguaassiutitigut atornerlugaasimanerup kinguneranik tarnikkut kingunerluuteqarsimasunut akeqanngitsumik tarnikkut katsorsarneqarnermut neqeroorut.
    • Qanoq: Kommunemi sullissisumut saaffiginninnikkut immaqaluunniit toqqaannaq allagaqarnikkut innersuut@nanoq.gl –mut, paasissutissat uku ilanngunneratigut: ateq, najugaq, ukiut, e-mail, oqarasuaat aamma oqaatsitigut piginnaasat
    • Uani paasisaqarnerugit: socialstyrelsen.gl
  • Alliaq
    • Sullitat neqeroorutillu: innuttaasunut kamannermik aamma qaasunnermik ajornartorsiutilinnut akeqanngitsumik neqeroorut. Minnerpaamik 15-inik ukioqalereersimassariaqarpoq neqeroorummik atuiniaraanni.
    • Qanoq: oqarasuaatikkut 34 50 40-mut saaffiginninnermi immaqaluunniit attavissamik immersuinermi socialstyrelsip nittartagaa socialstyrelsen.gl aqqutigalugu.
    • Uani paasisaqarnerugit socialstyrelsen.gl
  • Aqqunartut saaffiginnittarfiat
    • Sullitat neqeroorutillu: saaffiginninnissaq tamanut ammavoq. Pinasuartumik tarnikkut ilungersuuteqarnermi ikiorneqarneq, taassuma ataaniippoq tarnikkut perulunneq, imigassamik aanngajaarniutinillu annertuallaamik timimiittoqalersimanermi toqunartunittoornermi. Aamma imminoornissamut annertuumik navianartorsiuteqaraanni.
    • Qanoq: Sumiiffimmi napparsimavimmut immaqaluunniit aqqunartut saaffiginnittarfianut saaffiginninnikkut.
  • Psykiatri
    • Sullitat neqeroorutillu: suliap aallartinnera aamma inunnik tarnikkut nappaatilinnik katsorsaaneq. Aamma imminoornermik pinaveersaartitsinermi suliaqarneq.
    • Qanoq: saaffiginninneq najugarisami napparsimavimmi nakorsamut pissaaq.
  • Mindhelper.dk
    • Nittartagaq tarnip peqqissusaanut ilisimasanik paasissutissanik aallerfissaq. Mindhelper.dk –mi allaaserisat, videoliat aamma apersorneqarnermi allaaserisat akeqanngitsumik atuarneqarsinnaapput. Aappariinermi ajornartorsiuteqarneq, aliasuuteqarneq, kiserliorneq annilaanganerlu pillugit allaaserineqarputtaaq.
  • stopchikane.nu
    • 18-ileereersimasut tamanut inuit attaveqatiittarfiatigut malersugaanermik aqqusaagaqarsimasunut akeqanngitsumik siunnersorneqarneq.

 

Ilinniartunut meerartalinnut neqeroorutit:

  • Kommunep ingerlataani ilaqutariinnut sullissivik:
    • Sullitat neqeroorutillu: Illoqarfinni amerlanerpaani ilaqutariinnut sullissiveqarpoq, nunaqarfinnilu aataasiakkaani, ilaqutariinnut tapersersortariaqartunut ikiuinermik siunnersuinermillu assigiinngitsumik annertussusilimmik neqerooruteqarsinnaasunik. Ilaqutariinnut sullissivimmi illit ilaquttatillu periarfissaqarpusi ilaqutariittut katsorsarneqarnissassinnut, siunnersorneqarnissassinnut aamma inuunermi sakkortuumik aqqusaagaqarnermi ikiorserneqarnissamut.
    • Qanoq: saaffiiginninneq najugarisami kommunemi pissaaq.
  • MISI
    • Sullitat neqeroorutillu: kommunerisami neqeroorut perorsaanermi tarnikkullu ajornartorsiuteqarnermi inissisimaneq. Meeqqap ineriartorneranut, iluarisimaarinninneranut ilikkarniarneranulllu annertunerusumik tunngassutilinnut. Ajornartorsiuteqaruit meeqqavit inuusuttuutivilluunniit taakkununnga tunngasunik nalornissuteqaruit MISI-mut saaffiginnissinnaavutit.
    • Qanoq: Kommunit tamarmik MISI-mik immikkoortortaqarfeqarput. Najugaqarfimmi kommunerisap saaffigineratigut paasissutissanik aallertoqarsinnaavoq.
  • Børnerejseholdet
    • Børnerejseholdet nuna tamakkerlugu katsorsarneqarnissamut neqeroorutaavoq. Sullitat tassaapput meeqqat 0-17-it qaammatillu 11-nik ukiulinnut, kinguaassiutitigut kanngutsaatsuliorfigitissimasunut immaqaluunniit kinguaassiutitigut imminut innarlernermik iliuusilinnut aamma kinguaassiutitigut innarliinermik pissusilersortunut.
    • Qanoq: Najugarisami kommunemi sullissisumut saaffiginninnikkut. Børnerejseholdet ikiuunnerat aallartinneqartarpoq kommunep rejseholdet suliniuteqarnissaanut qinnuteqarneratigut. Kommunemi sullissisut kisimik Børnerejseholdemut saaffiginnissinnaapput.
  • MANU – angajoqqaanngornissamut piareersarneq
    • Sullitat neqeroortutillu: Nuna tamakkerlugu kaammattuinermik neqeroorut, angajoqqaatut piginnaasat qaffassarnissaanut siunertalik. Sullitat tassaapput aappariit immaqaluunniit inunnut ataasiakkaanut meerartaarniartunut aamma 4 inorlugit ukiulinnik qitornalinnut.
    • Qanoq: saaffiginninneq nittartagaq manu.gl aqqutigalugu pissaaq. Tassani aamma neqeroorut pillugu annertunerujussuarmik atuartoqarsinnaavoq.

 

Sidst opdateret 2. september 2021