Skip to main content
search

Nuna Tamakkerlugu Ilitsersuisarfik pillugu

Nuna Tamakkerlugu Ilitsersuisarfiup siunertarivaa Kalaallit Nunaanni aqqutissiuussinermik suliniutinut ineriartortitsivissaliinissaq nalilersueqatigiiffissaqartitsinissarlu, Kalaallit Nunaannilu ilinniagalinnut inooqatigiinermi tarnikkullu siunnersuisoqarnissaa siunertaraluguttaaq.

Nuna Tamakkerlugu Ilitsersuisarfimmi immikkoortortaqarfiit pingasuupput

Ilinniakkanut tunngasunut immikkoortortaqarfik

Immikkoortortaqarfiup pingaarnertut isumagisassai:

  • Tunngaviusumik aqqutissiuussisutut ilinniagaqarnissamik (VGU) aqqutissiuussisutut atorfeqareersunut neqerooruteqartarnissaq.
  • Ilinniaqqinnikkut piginnaasanik ineriartortitsinissamik neqerooruteqartarnissaq

Aqqutissiuussinernut immikkoortortaqarfik

Immikkoortortaqarfiup pingaarnertut isumagisassai:

  • Kalaallit Nunaanni ilitsersuilluni suliaqarnermik nassuiaanertalimmik misissueqqissaarnissaq ilitsersuinermillu suliaqarnermik ineriartortitsinissaq
  • Ilinniarfiit, kattuffiit peqatigiiffiit ilitsersuisarfiullu najukkani immikkoortortaasa akornanni attaveqataasunik qajannaallisaanissaq pilersitsinissarlu

Ilinniartunut Siunnersuisarfik

Immikkoortortaqarfiup pingaarnertut isumagisassai:

  • Ilinniartut ilinniarnerminnik pisariaqanngitsumik sivitsuinatik – unitsitsiinaratillu ingerlatsinissaannut ikiuunneq
  • Suliffeqarfiup suliaanik paasissutissiiniarluni ilinniartullu ilinniarnerminni ajornartorsiutit naapittagaat pillugit ilisimasanik avitseqateqarniarluni, ilinniarfinnik oqaloqateqartuarnissaq.