Nuna Tamakkerlugu Ilitsersuisarfiup siunertarivaa Kalaallit Nunaanni aqqutissiuinermik suliniutinut ineriartortitsivissaliinissaq nalilersueqatigiiffissaqartitsinissarlu, Kalaallit Nunaannilu ilinniagalinnut inooqatigiinermi tarnikkullu siunnersuisoqarnissaa siunertaraluguttaaq.
Nuna Tamakkerlugu Ilitsersuisarfiup immikkoortortai ukuupput:
- Ilinniakkanut tunngasunut immikkoortortaqarfik
- Aqqutissiuinernut immikkoortortaqarfik
- Ilinniartunik aqqutissiuinernut immikkoortortaqarfik
Ilinniakkanut tunngasunut immikkoortortaqarfiup pingaarnertut isumagisassai:
- Tunngaviusumik ilitsersuisartutut ilinniagaqarnissamik (VGU) ilitsersuisartutut atorfeqareersunut neqerooruteqartarnissaq.
- Ilinniaqqinnikkut piginnaasanik ineriartortitsinissamik neqerooruteqartarnissaq
Ilitsersuinernut immikoortortaqarfiup pingaarnertut isumagisassai:
- Kalaallit Nunaanni ilitsersuilluni suliaqarnermik nassuiaanertalimmik misissueqqissaarnissaq iltsersuinermillu suliaqarnermik ineriartortitsinissaq
- Ilinniarfiit, kattuffiit peqatigiiffiit ilitsersuisarfiullu najukkani immikkoortortaasa akornanni attaveqataasunik qajannaallisaanissaq pilersitsinissarlu
Ilinniartunik siunnersuisarfiup pingaarnertut isumagisassai:
- Kalaallit Nunaanni ilinniarfinni ilinniartunik inooqatigiinikkut tarnikkullu siunnersuisarnissaq – paasissutissat annertunerusut uaniipput.