Ilinniartitaanermut immikkoortortaqarfik

  • tassaavoq Kalaallit Nunaanni aqqutissiuisunut ilinniakkatigut piginnaasaatigullu ineriartortitsivik.
  • soqutiginnittunut suleqatigisanullu aqqutissiunerup atuuffiinik paasissutissiivik
  • Aqqutissiuisut isertarfiat aqqutigalugu aqqutissiuisunut attaveqarfik Ugguuna iserfigisinnaavat
  • ilinniartitaanermut inuussutissarsiutinillu aqqutissiuisunut ilinniaqqinnissamik pikkorissarnernillu neqerooruteqarpugut

 

 

Ane Karina Poulsen  – Ilinniartitaanermut pisortaq 

Ane Karina Aqqutissiuisutut Ilinniakkami (VGU-mi) 2009-mi aqqutissiuisutut ilinniagaqarpoq, ilinniakkallu ilassutai marluk, Ikaarsaarnermi aqqutissiuineq (Overgangsvejledning) 2011-mi Atorfeqarnerlu pillugu aqqutissiuineq (Karrierevejledning) 2012-mi ingerlallugit. Narsami Piareersarfimmi ukiut arfineq marluk aqqutissiuisutut atorfeqarnikuuvoq. Tamatuma kingorna aqqutissiuneq pillugu pikkorissarnernut ataatsimersuartitsinernullu assigiinngitsunut peqataanikuulluni.

Ane Karina Poulsen 1. april 2014 aqqutissiusitut atorfinippoq kingusinnerusukkullu ilinniartitaanermut pisortatut atorfinilluni.

Email: akpo@aqqut.gl

 

 

 

Peter Frederik Gedionsen  – Aqqutissiuisoq / ilinniartitsisoq

Peter Frederik Aqqutissiuisutut Ilinniakkami (VGU-mi) 2009-mi aqqutissiuisutut ilinniagaqarpoq, 2011-miilli Piareersarfiup ataani Ilinniartut najugaqarfiini sullisisutut atorfeqarpoq. Ilinniakkami ilassutit Ikaarsaarnermi aqqutissiuneq septembari 2011-mi, atorfeqarneq pillugu aqqutissiuneq 2013-mi naammassinninnerlu pillugu aqqutissiuneq 2014-mi ingerlappai. Juni 2017-mi Peter Frederik Inuusuttut inersimasullu immikkut aqqutissiuunneqarnissaminnut pisariaqartitsisut sullippai. Maanna Nuna Tamakkerlugu Ilitsersuisarfimmi / aqqutissiuisunut aqqutissiuussisutut atorfeqarpoq.

Email: pfge@aqqut.gl

 

 

Karen Ramsøe

Karen Ramsøe – Aqqutissiuisunut aqqutissiuisoq

Karen Ramsøe Oqaasilerinermi, atuakkialerinermi tusagassiuutilerinermilu kandidatimik ilinniagaqarpoq. GU/GUX-mi ukiut 8-t ilinniartitsisutut aqqutissiuussisutullu sulinikuuvoq. Aqqutissiuisutut Ilinniakkami VGU-mi aqqutissiuisutut 2012-mi ilinniagaqarpoq, 2018-milu ilinniakkami ilassut siulleq Naammassinninneq pillugu aqqutissiuussinermut tunngasoq ingerlatissalluniuk. Karen Ramsøe aqqutissiuisunut aqqutissiuisutut 1. august 2018 atorfinippoq.

 

 

Lisbeth Højdal  – Siunnersorti

Aqqutissiusitut ilinniakkami ilassutitullu ilinniakkani atuartitsisoq. Suliniummi VALA-mi NTI-miit sinniisuuvoq.

Stockholms Universitetimi atorfeqarneq pillugu aqqutissiuinermi (karrierevejledning) cand. Mab.-itut ilinniarsimavoq.

Lisbeth DEL-mi UCC-milu lektoritut atorfeqarnikuuvoq siornatigullu Danmarkimi aqqutissiuisunut ilinniakkani arlalinni atuartitsisutut siunnersortitullu sulinikuulluni. Septembari 2012-mi aqqutissiuinerup iluani siunnersortitut namminersortunngorpoq – nittartagaani paasisaqarnerugit.

Email: lisbeth.hoejdal@email.dk Nittartagaq: www.lisbethhoejdal.dk