Skip to main content
search

Amerlasuunut sassarnissamut tunuarsimaarneq

Inuit katersuussimasut amerlasuut ikittulluunniit akornanni oqalunnissaq amerlasuunut ajonartorsiutaasarpoq. Ingammik ilinniagaqartilluni akuttunngitsumik allanut saqqummiussinissaq pisariaqartarpoq.

Iliuuseriuartillugu ajornannginnerujartuinnassaaq

Amerlanerpaat ilinniaqatinut saqqummiussinissaq annilaanngatigisarpaat. Tamatigungajak qanoq saqqummiussinermik sungiussisimatigineq apeqqutaasarpoq – sungiusagassaavoq, sungiusartuartillutit ingerlallualeraluttuinnassaatit.

Sungiusarnikkut ernumanerpit akuerinissaa imal. iliuuseqarfiginissaa ilinniassavat. Taamaammat immaqa peerutivinngikkaluaq qanoq ilillutit ernumanermit aqunneqarnak nammineq aqutsiinnarsinnaaneq ilikkassavat. Taamaalillutit imarisaanut tunngasut ukkassinnaassavatit.

Ernumaneq/annilaanganeq naalaganngoraangat

Annilanganermit ernumanermillu sunnerneqarnikkut ilinniarfissaminnut takkutinngitsoorneq ilaasa misigisarpaat. Saqqummiussinissartik oqalunnissartillu pinaveersaartarpaat.

Misigissutsit eqqarsaatinut nuanniitsunut inuttut namminermut allanullu tunngasunut attuumassuteqarajupput. Ukkuninnganniik pisinnaapput:

  • Naleqanngilanga.
  • Qanoq nalornitiginerma/sianiitsiginerma/ ernumatiginerma allanit takuneqaarnissaa annilaangagaara.
  • Oqaruma isornartorsiorneqassaanga, tamatumalu ajortuunissaa qularnanngilaq.
  • Oqaatigiumasakka allat pissanganartutut isumaqarfigissanngilaat.
  • Eqqissiveerutivittarpunga, peqqusiileqinartunik iliuuseqartarlunga takkuteqqissinnaajunnaavillunga periarfissarisinnaasakka tamaasa aserortarlugit.
  • Oqalupallakkuma qaangiutipallassaaq. Oqarsimanera paaserpiarsimanngilaalluunniit.
  • Aappillertarpunga.

Annilaanganeq peqqutigalugu tunuarsimaaraanni, tunuarsimaarneq sakkortusigaluttuinnartussaavoq. Ernumaneq qaangerniaraanni anigorniarnissaa aamma pisariaqarpoq.

Annilaanganinnut suna peqqutaasinnaasoq eqqarsaatigalugu misilisinnaavat. Tunuarsimaarninnut patsisaasoq ilisimalerukku, piginnaasannik sungiusalernikkut ajortut naaffeqanngitsuusaat unitsinneqassapput.

Ingerlaqqinnissannut ikiorneqartariaqarlutit misigisimaguit attaveqarfigisinnaavatsigut oqaloqatigalutalu.

srg.dk isumassarsiorfigalugu una allataavoq.