Kalaallit Illui

Kalaallit Illui kalaallinut Danmarkimiittunut allanullu nunatsinnik soqutiginnittunut attaveqarfiullutillu katersuuffiupput. Danmarkimi ilinniartutut; ilinniartitaaneq, SU nalinginnaasullu nalornissutigisinnaasatit allat pillugit siunnersorneqarlutillu aqqutissiuunneqarsinnaavutit. Danmarkimi ilinniartunik allanik peqatigiiffiit aaqqisuussinerillu aqqutigalugit aamma naapitsisinnaavutit.

“Kalaallit Illui soorlu angerlarluni”

Danmarkimi sisamanik Kalaallit Illoqarpoq

København

Københavnimi Kalaallit Illuat annertunerusunik paasisassarsiorfigiuk

Aarhus

Aarhusimi Kalaallit Illuat annertunerusunik paasisassarsiorfigiuk

Aalborg

Aalborgimi Kalaallit Illuat annertunerusunik paasisassarsiorfigiuk

Odense

Odensemi Kalaallit Illuat annertunerusunik paasisassarsiorfigiuk

www.dgh-odense.dk

Danmarkimi ilinniartuuneq pillugu apeqqutissaqarpit? Taamaassappat videot uku takukkit kalaallinillu ilinniartunik allanik naapitsillutit https://groenlandskehus.dk/studerende/generel-information-for-studerende/gode-raad-fra-studerende/

Piviusorpalaartoq

Danmarkimi Kalaallit Illuat siulleq Amagerimi inissiami 1878-imi pilersinneqarpoq.

Danmarkimi nunap qitiusumik immikkoortuini tamani Kalaallit Illui sisamaapput. Aalborgimi Kalaallit Illuat nunap immikkoortuani Region Nordjyllandimiippoq, Aarhusimiittoq Region Midtjyllandimiippoq, Odensemiittoq Region Syddanmarkimiippoq, kiisalu Københavnimiittoq Region Sjælland/Region Hovedstadimiilluni.

Kalaallit Illui tamarmik imminnut ingerlatipput, arlaannaannulluunniit attuumassuteqaratik immikkullu siulersuisunit aqunneqarlutik. Kalaallit Illui qanimut suleqatigiipput.

Kommunit danskillu naalagaaffiat illunik ingerlatsinermut annertuumik tapiissuteqartarput, ingerlatsinermulli aningaasartuutit annertunersaat Namminersorlutik Oqartussanit akilerneqartarlutik.