Skip to main content
search

Aqqutissiuussisunut ataatsimeersuarneq

2025-mi Aqqutissiuussisunut Ataatsimeersuarneq Nuummi 17. – 19. septembarimut pisussatut pilersaarutigineqartoq ajoraluartumik taamaatinneqarpoq.

Peqqutit naatsorsuutigineqarsimanngitsut kiisalu ataatsimeersuarnermut peqataassallutik nalunaartut ikippallaarnerat peqqutaapput. Taamaattumik aaqqissuussineq tunngaveqarluartumik illersorneqarsinnaasumillu ingerlassinnaajunnaarlugu nalilerparput.

Amerlasuut ataatsimeersuarnermut qilanaartut ilisimagatsigu taamaatitsinermut pakatsisunut misiginneqataavugut. Soqutiginninnerit nalunaarnerillu qujassutigaagut, neriuppugullu piffissami allami aqqutissiuussinermut tunngasunik katersortitsinissamut periarfissaqassalluta. Apeqqutissaqaruit ugguuna saaffigisinnaavatsigut nti@nanoq.gl

Paasinnikkavit qujarusuppugut.

Inussiarnersumik AQQUT – Nuna Tamakkerlugu Ilitsersuisarfik

Qaaqqusissut

Ataani ataatsimeersuarnissamut qaaqqusissut aaneqarsinnaavoq

Qaaqqusissut

Peqataanissamut nalunaarneq

Ataani peqataanissamut immersuilluni nalunaarfissaq aajuk. Immersorlugulu atsioreerukku e-mail-ikkut nti@aqqut.gl -imut nassiunneqassaaq

Peqataanissamut immersuilluni nalunaarfissaq

Najoqqutassaq

Der tages forbehold for ændringer

Ulloq sumiiffissarlu: Septembarip ulluisa 17-anniit 19-iannut 2025, Hotel Hans Egede-mi
Kalaallisut, danskisut tuluttullu nutserunneqarsinnaaneq periarfissaavoq

Nuup avataaniit tikittussat angalanissaat ineqarnissaallu Aqqummiit akilerneqassapput.

Aqqutissiuussinermut sinaakkutit anguniakkallu & ulluinnarni aqqutissiuussinermik suliaqarneq

Aqqutissiuussinermik inerisaaneq aqqutissiuussisunillu piginnaanngorsaanermik suliaqarneq

Aqqutissiuussinermi sullinniakkat (kinguaariit assigiinngitsut, inuusuttut ilinniarnatillu sulinngitsut), piumassusermik suliaqarneq aqqutissiuussinermilu suleqatigiiffeqarneq

SULEQATIGIISITSINERIT/WORKSHOPS

Ullut tamaasa ullormut arlaleriarluni eqimattakkaarluni suliaqarneq ingerlanneqartassaaq. Aggustimi eqimattat pillugit paasissutissiiumaarpugut.