Ilinniakkamik toqqaanissannut piareerpit?

EQQAAMASASSATUT NALUNAARSUKKAT misissorlugit ilinniarnerit aallartitsinnagu isumagisassat takukkit.

Eqqaamasassat:

Maluginiagassarpassuaqarputit. Amerlasuut ilinnialeraangamik angerlarsimaffitsik qimattarpaat. Nammineq atisannik errorsisinnaanissamut, nerisassiorsinnaanissamut, ullaakkut makissinnaanissamut piareersimanerlutit aalajangiuguk. Ilinnialersinnak ilinniakkamut ilinniagaqarnersiuteqarnissamullu piumasaqaatit, atugassarititaasut maleruagassallu paasiniaaviginissaat pingaaaruteqarpoq. Eqqaamasassat uani takukkit:

sullissivik.gl imal. www.Majoriaq.gl aqqutigalugu ilinnialernissamut qinnuteqarit
usf@nanoq.gl aqqutigalugu ilinniagaqarnersiutinik qinnuteqarit
www.kaf.gl, www.Majoriaq.gl imal. ilinniarfik aqqutigalugu inissannik ujaasigit
Sullissivik.gl aqqutigalugu meeqqerivimmi inissamik ujaasigit
Sillimassernissat isumagiuk
Aningaaserivimmi kontoqarnissat isumagiuk
Nuunnisat isumagiuk – Sullissivik.gl annertunerusunik paasisassarsiorfigiuk
Peqqik.gl aqqutigalugu nakorsaq kigutilerisorlu pissarsiarikkit

Imaaliornikkut meeqqavit toqqaaniarnerani qinnuteqarneranilu tapersersorsinnaavat

AMMASUUGIT, ALAPERNAATSUUGIT, TAPERSERSUISUUGIT ERSEQQISSUUGIT. Angajoqqaatut, ilinniartitaanerit pillugit paasissutissanik sumi pissarsisinnaanissat ilitsersorneqarsinnaanissallu paasiniaruk. Ilinniartitaanerit inuussutissarsiutinut sammititat

Ilinniartitaanerit inuussutissarsiutinut sammititat
Ilinniarnertuunngorniarfiit
Nunatsinni efterskolerneq
Danmarkimi efterskolerneq

Eqqaamajuk, meeqqat 18-iliisimanngippat ILLIT angajoqqaatut meeqqavit ilinnialernissamut qinnuteqaataanik NemID / MitID atorlugu akuersisussaanerit.

Ilinniarnertuun-ngorniarfimmut aqqutiga

Ilinniarnertuunngorniarfik GUX inuusuttunut ilinnigaqaqqinnissaminnut piareersarluni atuagarsorluni ilinniarfiuvoq.

GUX illoqarfinni ukunani ingerlanneqartarpoq:

Aasiaat
Sisimiut
Nuuk
Qaqortoq
online-ikkullu

GUX-imi ukiuni pingasuni, ukiuni sisamani aamma ukiuni marlunni kiisalu atuartitsissutini ataasiakkaani tapertaliussatullu atuartitsissutinik ilinniartoqarsinnaavoq.

GUX-mut paasisaqarnerugit www.sullissivik.gl

”Kommunerisanni ilinniakkat sammivii toqqarneqarsinnaasut tunngavigalugit toqqaassaatit - Avannaata Kommuniani najugaqaruit Aasianni ilinniarnertuunngorniarfik toqqassavat.

AATSAALLI ilinniakkat sammiviat KISSAATIGISAT kommunerisarni ilinniarnertuunngorniarfimmi
ingerlanngippat, allamut kommunemi ilinniarner-tuunngorniarfiusummut qinnuteqarsinnaavutit.

SEMESTER SIULLEQ

Arfineq pingasunik ilinniakkatigut sammivinni assigiinngitsuni kiisalu ukiuni sisamani timersornermi sammiveqarpoq. Ilinniakkat sammivii soqutigisarnut kiisalu ingerlariaqqinnissarnut angorusutarnut tulluarsagaapput.

Ukiuni pingasuni GUX itisilerluarlugu ilinniakkami sammivimmik, tamatigoortumillu ilinniagaqarnermik periarfissiivoq.

Ukiuni pingasuni GUX ima sanaajuvoq 1. semester kiisalu ilinniakkamut sammivik:

Semester: 0,5 år
Ilinniakkamut sammivik: 2,5 år

ILINNIAKKAMUT SAMMIVIK

Ilinniakkap sammivia ukiut 2,5 ingerlasarpoq. Sammiviit qulingiluat toqqarneqarsinnaapput.

Sammivimmik toqqaassaatit ilinniarnertuunngorniarlutit qinnuteqarnerni, tassanili pituttugaanavianngilatit.

Naggataatigullu pituttugaaffigisassanni 1. semester kingorna toqqaassallutit.

Niuerneq Aningaasaqarnerlu
Teknikkimik ilinniarneq
Pinngortitalerineq
Oqaasilerineq Inulerinerlu
Tamatigoortoq
Peqqinnissamut tunngasumik Ilinniarneq
Inuiaqatigiilerineq
Nutaaliorneq
Timersorneq

INUUSSUTISSARSIUTITIGUT ILINNIARTITAANERNUT ILINNIALERNINNI ULLUINNARA NUTAAQ.

INUUSSUTISSARSIUTITIGUT ILINNIARTITAANERNI TOQQANGASSAT 100-IT SINNEQARPUT

Ilinniarnerup allaanerussutigivaa atuagarsorneq suliffimmillu sungiusarneq paarlakaajaanneqar-tarmata. Ilinniarnerpit ilarujussuani ilinniartutut praktikkerlutit suliffimmiit oorersiaqassaatit. Ilinniarneq agguaqatigiissillugu ukiunik sisamanik sivisussuseqarpoq. Ilinniartitaanernut taakkununnga ilisarnaataasoq tassaavoq ilinniarnerit nikerarfiusuunerat. Tamanna isumaqarpoq atuarfimmiinnerup aamma sulif-fimmut misiliinerup akornanni nikerartoqartartoq. Atuarfimmiinnermi ilinniartoq atuagarsornikkut ili-simasaqalissaaq, suliffimmilu misiliinerup ingerla-nerani ilinniagaqartup atuagarsornikkut ilisimalik-kani suliffeqarfimmi atussallugit. Ilinniartitaanerit ilarujussui nunatsinni naammassineqarsinnaapput, kisianni aamma ilinniartitaanerit ilaat Danmark-imi atuarfimmiinnissamik pisariaqatitsillutik. Piffissat suliffimmik misiliiffiusut amerlanertigut sulisi-tsisumik ilinniarnissaq pillugu isumaqatigiissute-qarnissamik pisariaqartitsisarput. Ilinnialernis-samut aallartinniaruit sungiusarluni suliffissamik nassaarsimasariaqarputit. Tamatuma saniatigut meeqqat atuarfianni soraarummeernermi angusatit ilinniartitsissutini aalajangersimasuni agguaqatigiissillugit angusat minnerpaaf-fissaqartarput.

ILINNIAGAQARSINNAAVUTIT UKUNANI

Mekaniker
Nujalerisoq
Tuniniaasoq
Igasoq
Isumaginninnermi ikiortitut

Isumassuinermik, peqqinnermut perorsaanermullu soqutigisaqarpit:
– Peqqissaanermik Ilinniarfik, Center for Sundhedsuddannelser, Nuuk: www.pi.gl
– Perorsaanermik Ilinniarfik, Socialpædagogisk Seminarium, Ilulissat (Isumaginninnermik ikiortinngorniarfik): www.pi.sps.gl

Allaffissornermi, niuernermi niuernermilu sullissinermik soqutiginnikkuit:
– Niuernermik Ilinniarfik, Handelsskolen, Qaqortoq: www.cak.gl
– Niuernermik Ilinniarfik, Handelsskolen, Nuuk: www.ninuuk.gl

Inuussutissalerinernik, nunalerinermik takornarialerinermillu soqutigisaqaruit:
– Niuernermik Ilinniarfik, Handelsskolen, Qaqortoq: www.cak.gl
– INUILI, Inuussutissalerinermik Ilinniarfik, Narsaq: www.inuili.com
– Upernaviarsummi nunalerinermik ilinniarfik: www.nunalerineq.gl

Aatsitassarsiornermik, sanaartornermik assartuinermillu soqutigisaqaruit:
– Sanaartornermik Ilinniarfik, Bygge & Anlægsskolen, Sisimiut: www.kti.gl
– Saviminilerinermik Ilinniarfik, Jern & Metalskolen, Nuuk: www.kti.gl

Aalisarnermik, piniarnermik imarsiornermillu soqutigisaqaruit:
– Imarsiornermik Ilinniarfik, www.maritim.gl