Skip to main content
search

Ilinniagarileru-
maakkamut isumassarsiorfissaq

Ilinniakkamik toqqaanisamut tunngatillugu isumaliutit allat atuakkit. Nammineq nangaanak aallartinnissannut isumassarsitinneqarit imal. paasisaqarnerorusukkuit eVejledning attavigiuk.

Pilersaarusiorluarneq aqqutissaasinnaavoq

Bebiane Møller Kristiansen ilinniartutut nammassisimanissaq ilinniarnermullu uppernarsaat paarinissaanut pilersaarusiorluarneq ilinniartuunerup nalaani aalajangiissutaasimavoq. Ulluinnaq nalunarsinnaasarpoq ingerlatinnissaa, amerlasuunullu katitertakkatulli misgiissinnaasarluni, ikinngutit, ilaquttat ilinniagassallu tamarmik ataatsikkoortaramik. Bebiane ilinniartussat immaqaluunniit ilinniartut pilerisaarpai sapinngisamik piffissartik pilersaartassaagaat. Tamakkiisumik ataatsimoortumik isiginninnermik aammalu piffissaqarnerulernissamik iluaqutaasinnaalluni. Taamatut ilinniarneq oqinnerpaamik naammasineqarsinnaavoq inernererusutallu anguniakkat angullugit. Bebiane-tulli ullut pilersaarnissaanut pikkoriffigiviuk?

Ilinniarneq siunissami periarfissanik ammaassisarpoq

Ilinniaruit periarfissat amerlanerit ilinnut ammakaassapput taamaasillutillu suliffissat amerlanerit periarfissarilissavatit. Suersaq Møller-mut ilinniarnissaanut periarfissat taakkua kajumissutaasimapput. Suersaq siunissani qulakkeerusussimavaa inuuneq nuannersoq toqqavillu aalajaatsoq. Siornatigut Suersaq pisiniarfinni sulinikuusimavoq pisinianillu sullissineq nuannarisimallugu. Suersaq ilinniartitsisuni ornissimavai aqqutissiortikkusulluni suna ilinniassanerluniuk. Siunnersortereerluni Suersaq paasivaa pisiniarfimmiutut ilinniarusulluni. Ilinniarnini assigiinnik suliaqarfinni atorsinnaallugu toqqissisimanermik tunisisimavoq, aammalu siunissami amerlasuunik periarfissanik ammaassisimalluni.

Ilinniakkavit sumut atorsinnaanissaa annertunerusumik paasisaqarfigerusukkukku eVejledning attavigisinnaavat.