Skip to main content
search

Aliasunneq – Annaasaqarsimaninni

Aliasunneq tassaavoq ilinnut asasannik annaasaqarnikkut aliasuuteqartumut neqeroorut.

Aliasunneq neqeroorutaavoq qarasaasiaq atorlugu ataatsimoorluni ilittut annaasaqarsimasunik peqateqarluni katsorsartinnissamut neqeroorutaavoq. Aliasunnerit oqaluttuarisinnaavat allallu oqaluttuaannik tusarnaarlutit. Misigissutsit soorlu maqaasineq, kamanneq nuannaarnerlu allanut annaasaqarsimasunuttaaq avitseqatigiissutigisinnaavat. Peqatigiilluta aliasunneq inuunitsinnut ilaliullugu aqqutissarsiorsinnaassaagut

Aliasunneq katsorsaasutsinnit pikkorissunit marlunnit, aliasunnini ilinnik ikiuunnissamut immikkut ilinniarsimasunit ingerlanneqarpoq.

Nunatsinni sumiluunniit najugaqarneq apeqqutaatinnagu peqataasinnaavutit. Piumasaqaatituaq tassaavoq ilinniartuunissat namminerlu najukkanniit internetsimut attaveqarnissat. Nuummi, Sisimiuni, Ilulissani Aasiannilu immikkoortortatta arlaannit peqataanissannik neqeroorfigisinnaavatsigittaaq.

Paasissutissat nalinginnaasut:

  • Annaasaqarsimasut tapersersoqatigiit arfineq pingasoriarlutik nal. ak marluk qarasaasiakkut naapittarput.
  • Kalaallisut aamma danskisut peqataasinnaavutit.
  • Annaasaqarsimasut tapersersoqatigiit katsorsaasutta pikkorissut ilaannit marlunnit ingerlaneqarput
  • Annaasaqarsimasuni tapersersoqatigiinni ilaanissamut ilinniarninni akuerisamik atuangitsoorsinnaavutit
  • Kisimiinnissat allaniillu akornusersorneqannginnissat pingaaruteqarpoq.
  • Peqataasut tamarmik nipangiussisussaatitaammata, annaasaqarsimasuni tapersersoqatigiinni suut oqaluuserineqarnerisa allanit tusaaneqarsinnaannginnissaat tamanit akisussaaffigineqarpoq.

Imaaliornikkut peqataasinnaavutit

E-mailikkut Teams-imut attavimmik tunineqassaatit, taannalu toorlugu peqataasinnaallutit. Teams qarasaasianniinngippat, attavik tooreerukku periarfissaq takkuttussaq: ”fortsæt i denne browser” toqqarsinnaavat. Annaasaqarsimasunut tapersersoqatigiinni ataatsimiinneq aallartitsinnagu attaviup misilinnissaa pingaaruteqarpoq.  Annaasaqarsimasunut tapersersoqatigiiffiup aallartinnissaa kingusinnerpaamik minutsinik tallimanik sioqqullugu ataatsimiinnissap ammarnissaa eqqaamajuk.

Teknikkikkut ajornartorsiutit

Teknikikkut ajornartorsiuteqaruit katsorsaasut marluk arlaat sianerfigisinnaavat (qulaani talerpiup tungaani attavissat takukkit).

Nipi mikrofonilu

Annaasaqarsimasunut tapersersoqatigiinni peqataanissamut pisariaqarmat, atorsinnaasumik assiliiveqarnissat (webcam) pingaaruteqarpoq. Nipaa piutsaanerulersinniarlugu siutequtinik tusarnaarutitalinnik imal. mikrofonimik allamik atuinissat iluaqutaasinnaavortaaq. Mikrofonimik højtalerimillu inissiinissat allakiami ”introduktion til teams” takusinnaavat.