eVejledning

Qarasaasiakkut ilitsersortinneq nunatsinni ilinniarneq pillugu ilitsersortinnissamik pisariaqartitsisunut tamanut neqeroorutaavoq.

Ilinniagarisinnaasat, qinnuteqartarnermullu tunngatillugu apeqqutit pillugit qarasaasiakkut ilitsersortissinnaavutit, ilinniakkamik toqqaanissanni ataatsimut isiginnissinnaanissamut isumassarsiornissamullu ikiorneqarsinnaavutit.

Qarasaasiakkut ilitsersortinniarninni mailikkut, chat-ernikkut oqarasuaatikkulluunniit attaveqarnissat nammineq toqqarsinnaavat. Ilisarnaat toqqaannassavat. Facebook -imi aamma pissarsiarisinnaavatsigut imal. Messenger-ikkut allavigaluta.

Qarasaasiakkut ilitsersortinneq tunngaviusumik kinaassuseq isertuullugu ingerlanneqassaaq. Taamaammat suliat ataasiakkaat -ass. qinnuteqaatinik pisortaqarfiit allat akisussaaffigisaannik immersuineq- iserfigisinnaanngilagut.

 

eVejledningi sunaana?