
Aqqutissiuussisutut ilinniartitaanerup Nunatsinni meeqqanik, inuusuttunik inersimasunillu aqqutissiuussinemik siuarsaanissaq peqataaffigissavaa. Aqqutissiuussisutut ilinniartitaanerup aqqutissiukkat ataasiakkaat soqutigisaasa piginnaasaasalu salliutinnissaat qulakkiissavaa, tamatumalu saniatigut inuiaqatigiit piginnaasalinnik sulisoqarnissamut taamatullu ineriartortuarnissamut pisariaqartitaat salliutittuassallugu.
Ilinniagaq ukiumik ataatsimik sivisussuseqarpoq modulinik sisamanik atuartitsiffiusunik tamarmik immikkut sap. ak. missaanik sivisussusilinnik, kiisalu namminersorluni ilinniarfiusuni suliffimmilu misiliilluni modulinik sisamanik tamarmik immikkut qaammat ataaseq affarlu sivisussusilinnik immikkoortortaqarpoq. Tamatuma saniatigut moduli soraarummeerfiusussaq ullunik marlunnik sivisussusilik. Tunngaviusumik ilinniarnerup kingorna nangeqqiinernik assigiinngitsunik sisamanik periarfissaqarpoq.
Holdimut 2027-2028-mut qinnuteqarneq ammavoq. Qinnuteqarnissamut killigititaq tassaavoq 21. maj 2027
Modul 2, 4 aamma 6 tassaapput namminersorluni suliffigisami ilinniarnerit. Modul 8 tassaavoq misilitsinnissamut allaaserinnineq, taannalu 22. maj 2028 tunniunneqasaaq.
Aqqutissiuussisutut tunngaviusumik ilinniartitaaneq ilinniartitsisunit marluinnik oqaasilinnit ingerlanneqarpoq. Ilinniarnermi atuakkat atuartitsissutillu allat qallunaatuujupput, atuartitsinerli kalaallisut ingerlanneqarluni.
Hold 2026-2027
Hold 2026-2027 maanna ingerlavoq, misilitsinnerlu sap.ak.23-mi 2027-mi ingerlanneqassooq.