Aqqutissiuussisutut Ilinniarneq 2020/2021-mut (VGU-mut) qinnuteqarnissaq ammavoq. Pilersaarutaavoq 26. oktober 2020 holdi nutaaq aallartissasoq, aappaagulu aggustip naanerani inaarutaasumik misilitsittoqassalluni. Malugiuk atuartitsineq danskisut ingerlanneqassammat, ilinniartitsinermilu atortussat aamma danskisuullutik. Qinnuteqarniarluni immersugassaq https://aqqut.gl/aqqutissiuussisutut-ilinniartitaanerup-vgu-aaqqissuussaanera/?lang=gl –imi aaneqarsinnaavoq. Ulloq qinnuteqarfissaq kingulleq tassaavoq ataasinngorneq 12. oktober 2020 nal. …
Pikkorissarnerit nangitsiviit 2020/2021 (Overbygningsmodul-it) qinnuteqarfigineqarnissamut ammapput. Pikkorissarneq nangitsivik qinnuteqarfigineqarnerpaaq ingerlanneqarumaarpoq. Pilersaarutaavoq november 2020-mi holdi nutaaq aallartissasoq, aappaagu inaarutaasumik misilitsittoqassalluni. Malugiuk atuartitsineq danskisut ingerlanneqassammat, ilinniartitsinermilu atortussat aamma danskisuullutik. Qinnuteqarniarluni immersugassaq www.aqqut.gl –imi aaneqarsinnaavoq, modulillu imarisai aamma tassani atuarneqarsinnaallutik.
Pikkorissarneq ” Sunngornissaq pillugu ilinniarneq” peqataaniarnermi nalunaarnissamut ammavoq. Pilersaarutaavoq november 2020-mi pikkorissarneq ingerlanneqassasoq. Pikkorissarneq danskisut ingerlanneqassaaq. Imarisaata nassuiaataa, peqataaniarnermullu immersugassaq https://aqqut.gl/courses/karrierelaering-2/ –imi nassaarineqarsinnaapput.
Katerisimaartarnernut, ininut kikkunnit tamanit iserfigineqarsinnaasunut assartuutinullu killilersuigallarnerit pillugit Namminersorlutik Oqartussat nalunaarutaat nr. 28, 31. juli 2020-meersoq tunngavigalugu ilinniartitaaneq pillugu paasititsiniaalluni angalanissaq allanngortinneqarpoq. Tamatumunnga taarsiullugu GUX-it Majoriallu illoqarfinni ilinniartitaaneq pillugu paasititsiniaalluni angalasunit tikinneqartussaagaluani namminneq najukkaminni pisussanik pilersaarusiorlutillu aaqqisuussinissaat kajumissaarutaavoq. NTI-mit innersuut …
Maanna aappassaa nutaarsiivissanngorpoq. Corona ilinniartitaanerup iluani tamatsinnut unammilliivoq. Ilinniartunut sulisunullu qanoq sunniuteqarsimanera ukioq mannalu aaqqisuussinernut qanoq sunniuteqarnera nutaarsiassiissummi matumani atuaruk – Ilitsersuisarfiullu inerisaavianiit Ilinniartunullu Siunnersuisarfianiit nutaarsiassinneqarit. Nuannersumik avitseqatigiissutaasarialimmik oqluttuassaqaruit sukkulluunniit allaffigisinnaagamma eqqaamajuk. Uani nutaarsiassat aasinnaavatit
eVejledning nunatsinni suliniut nutaaq- amerlanerit ilinniagaqarnissaannut aqqutissiuussissaaq. eVejledning nunatsinni suliniut nutaaq innuttaasut amerlanerit ilinniagaqarnissamut aqqutissiuunneqarnissaannik ilinniakkamillu aallaqqaammut eqqortumik toqqaanissaannik qulakkeerissaaq. Nunatsinni ilinniagaqarnissamut periarfissat annertusiartorput. Ilinniagaqarniartullu amerlillutik. Ineriartorneq taamaattoq pitsaalluinnartuuvoq. Periarfissarpassuilli ilinnialerniat toqqaaniarnerannut ajornakusuulersitsisinnaapputtaaq, isumaliutersuutillu taamatullu apeqqutit amerlilluinnarsinnaallutik. Ilinniarnera universitetimi nangeqqissavara? …
Nuna tamakkerlugu ilinniartitaanermut inuussutissarsiutinullu aqqutissiuussinermik naliliineq nalunaarusianngorlugu kalaallisut qallunaatullu saqqummerpoq. Nalunaarusiaq EU-kommissionimit aningaasaliiffigineqarpoq.
Ilinniartitaanermut, Kultureqarnermut Ilageeqarnermullu Nunanut Allanullu Naalakkersuisup Ane Lone Baggerip nuannaarutigalugu nalunaarutigerusuppaa, Ilitsersuisarneq pillugu Siunnersuisoqatigiit nutaat toqqarneqarsimasut. Siunnersuisoqatigiinni ilaasortat tamarmik siunnersuisarnermik, ilinniartitaanermik inuussutissarsiutinillu ilisimasaqartuussapput, taamaasillutik ilitsersuisarnermut suliniutit pillugit ineriartortitsineq, kiisalu isumaginninnikkut aamma tarnip pissusaatigut siunnersuisarneq pillugu Naalakkersuisunut kaammattuutinik inassuteqarsinnaallutik. Nuna Tamakkerlugu …
Qujanaq 2019-imut tupinnavissumut! Maanna ukioq manna Nuna Tamakkerlugu Ilitsersuisarfimmit nutaarsiassiissummik siullermik saqqummertoqarnissaanut piffissanngorpoq. Saqqummersumi matumani ukiumi qaangiuttumi pisimasut uterfigaagut 2020-imilu anguniakkat nutaat pissanganartullu qilanaaraagut. eVejldninngimut atatillugu suliniuterput februaarip ulluisa aallaqqaataanni iluatitsilluarfiusumik aallarnerneqartoq ilaatigut atuaruk!
Nuna Tamakkerlugu Ilitsersuisarfimmiit ukioq manna nutaarsiassat kingullersaat saqqummiussinnaalerparput. Tamatumuuna Ilitsersuisarfiup suliat ingerlatai taavalu pilersaarutit pisussallu qanoq ingerlasimanersut paasissutissiissalluta. Assersuutigalugu Uddannelseskaravanemi peqataaneq taavalu nunatsinni eqimattakkaarlugit ataatsimiisitsineq qanoq ingerlasimaneranik paasissutissiissaagut.