Nunani Avannarlerni anguniakkat suleriaatsillu pillugit 9.10.2025-mi internettikkut ataatsimiinnermi Nordisk Netværk for Livslang Læring-ip (NLL) qaaqqusinnaagamitit nuannaarutigineqarpoq. Pitsanngorsaaneq, peqataatitsineq aamma inuuneq naallugu ilinniarnermi atasinnaassuseq pillugu suliamut soqutigisaqartut, aalajangiisartut aamma immikkut ilisimasaqartut suleqatigiinnissaat NLL-ip isumagisarpaa.
Ålandimi, Kalaallit Nunaanni Savalimmiunilu piginnaanngorsaaneq aamma peqataatitsineq
Inuusuttunik inersimasunillu (NEETs, 15-30-nik ukiullit suliffeqanngitsut, ilinniagaqanngitsut imaluunniit inuussutissarsiutinik ilinniagaqanngitsut) ilinniagaqalernissamut suliffeqarnermullu isernissamut kajumissisitsinissamullu suliniut taanna siunertaqarpoq. NLL-ip suliffissaqarnikkut ilitsersuinermi atugassarititaasut pitsanngorsarniarpai, taamaaliornikkut immikkoortortaqarfiit allat qanimut suleqatigalugit kajumissisitsinissaq inunnullu ataasiakkaanut ilinniagaqalernissamut suliffeqalernissamullu aqqutissat nassaariniarlugit.
Kikkut peqataasinnaappat?
Suliniutit pitsanngorsarniarlugit, naleqquttuuneri oqaaseqarfigeqqullugit aamma naleqquttunik angusassanik siunnersuuteqaqqusilluni ukunani suliamut soqutigisaqartut NLL-ip ujartorpai:
- Inuuneq naallugu ilinniarnermik, ilinniartitaanermut politikkimik, suliffeqarnerup inerisarneranik, peqataatitsinermik aamma internettikkut ilinniarnermik immikkut ilisimasallit.
- Pisortat oqartussaasunit, ilisimatusarnermik suliffeqarfinnit, ilinniakkanik neqerooruteqartunit aamma innuttaasut kattuffiinit namminersortunit aallartitat.
- Aqqutissiuussisut, inuussutissarsiutini pisortat allallu ilinniartitaanermik piginnaanngorsaanermillu siuarsaanermik suliaqartut allat.
Immikkut soqutigisaqartut ataatsimiinneranni sooq peqataasoqartariaqarpa?
Suliniut ukuninnga periarfissiissaaq:
- Immikkut ilisimasalinnik aalajangiisartunillu ilisimasanik periutsinillu pitsaasunik avitseqatigiinnissaq.
- Inuuneq naallugu ilinniarnissamut periarfissanik pitsanngorsaanissamut periusissiassanik ilusiliinissamut tapersiuteqarnissaq.
- Maannakkut unammilligassaqarfiusut siunissamilu ilinniagassat pisariaqartinneqartut samminiarlugit immikkoortortaqarfiit akimorlugit oqallinnerni peqataaneq.
- Ilinniagaqartut allat peqatigalugit Nunani Avannarlerni suleqatigiinnermik attaveqaqatigiittarfinnillu nukittorsaaneq.
Link-i una aqqutigalugu paasisaqarnerusinnaavutit ataatsimiinnissamullu nalunaarlutit: Hvordan motiverer vi unge og unge voksne til at vælge og gennemføre en uddannelse og komme i arbejde? – NLL
Paasisaqarnerorusukkuit NLL-imi nunatsinni attaveqaataasoq Lene Andersen: lead@nanoq.gl attavigiinnarsinnaavat imaluunniit nll.org iserfigiinnarsinnaavat.
Nunani Avannarlerni inuuneq naallugu ilinniarnissap nukittunerusup akiuussinnaanerusullu ilusilerneqarnissaanut peqataagit!
Peqataanissat qilanaaraarput.
Inussiarnersumik
Imaneq 24 B, 2. sal