Aliasunneq ilinniartunillu aliasunnermik eqqugaasimasunik oqaloqateqartarnerit pillugit pikkorissaaneq

Pikkorissaanermi siunertarineqartoq:	Pikkorissaanermi siunertarineqarpoq Kalaallit Nunaanni ilinniarfinni siunnersuisartut aliasunneq pillugu ilinniartunik inuusuttunik/inersimasunik oqaloqatiginnittarnerit isumagisinnaalissagaat.Pikkorissarneq nammineq inuttut annaasaqarsimanermi katsorsaanerunngilaq, ilinniartunilli aliasuuteqartunik suliaqartarnermi paasisimasalittut attuumassuteqartuni piukkunnarsaqqinneqarnissamik neqeroorut.
Peqataasut:	Kikkut tamarmik Kalaallit Nunaanni ilinniarfinni siunnersuinermik suliaqartartut, aamma meeqqat atuarfianni Majoriamilu. Peqataasutut inissaqartinneqartut: 16
Pikkorissaanermi ingerlatsisut:	Sara Aka Lennert Jensen (Psykolog) Laila Marie Lund (Psykolog) Pikkorissaaneq qallunaatut ingerlanneqassaaq oqalutseqassaarlu.
Akia:	Peqataaneq akeqanngilaq. Pisinnaajunnaarneq nalunaarutigineqassaaq pikkorissaaneq kingusinnerpaamik sap. ak. 1-imik sioqqullugu.
Imai:	Aliasunneq aliasunnermilu aqqusaarneqartartut pillugit ilisimasaqalerneq. Ilinniartunik aliasuttunik oqaloqateqartarnissanut oqaloqatiginninnermi periaatsinik Sungiusarneq. Inummik aliasuttumik oqaloqateqarnissamut sakkussat. Piviusumit pisunik attuumassuteqartunik suliaqarneq. Misilittakkanik paarlaateqatigiinneq
Qanoq iluseqassava:	Pikkorissaaneq internetsikkut Teams-ikkut ingerlanneqassaaq. Linki mailip adressianut nalunaarutigineqarsimasumut nassiunneqassaaq kingusinnerpaamik pikkorissaanerup ingerlanneqarnissaa ullualunnguanik sioqqullugu. Maluginiaruk pikkorissarneq ataasiuvoq ulluni marlunni marloriarluni ingerlanneqartussaq. Septembarimi novembarimilu aamma taanna pikkorissaassutaassaaq — qaqugu tamanna pissanersoq ukiup ingerlanerani kingusinnerusukkut nalunaarutigineqassaaq
Qaqugu:	Ulloq 1: 09:00 til 15:00 Ulloq 2: 09:00 til 15:00
Peqataanissamut nalunaarneq:	Peqataanissamut nalunaarneq aamma apeqqutit qallunaatut allassimasut – allaffigiuk lmlu@nanoq.gl Peqataanissamut nalunaarnermi atit, suliffiit aamma atuuffiit nalunaarutigikkit. Peqataanissamut nalunaarneq aamma apeqqutit kalaallisut allassimasut – allaffigiuk sart@nanoq.gl

Pilersaarutit

Ulloq siulleq:

Pikkorissaanermik ilisarititsineq
saqqummiussinertalik
Aliasunneq pillugu isumaliutersuutit tunngaviusut paasinneriaatsillu
Ullup-qeqqasiorneq
Oqaloqatigiinnerit sinaakkusersornissaat
Aliasuttumik oqaloqatiginninneq
Videoliaq atorlugu misissueqqissaarneq
Ullormut qujanaq

Ulloq aappassaa:

Ippassaq sammisanik uteqqiineq
Kalaallit Nunaanni aliasunneq
Eqimattakkaarluni misissueqqissaarneq
Ullup-qeqqasiorneq
Nammineq eqqugaagaanni
Siunnersiuineq
Naggasiineq
Ullormut qujanaq