Nunani avannarlerni inuuniuteqarneq tunngavigalugu attaveqatigiittarfik VALA ukioq manna kingumut aasaanerani pikkorissartitsinissamik iluaqutigineqarluartussamik aaqqissuussisimavoq. Norgemi Universitetimi Drammen-imiittumi ulluni 18.-22. august ingerlanneqassaaq. Nalunaarfissap killinga tassaavoq 1. marts.
Aasaanerani pikkorissartitsinermut Migration and career guidance qinnuteqarit, naammassigukkulu ECTS-it 5 pissarsiaralugit. Pikkorissartitsineq pillugu paasissutissat angalanerullu aningaasalersornissaanut ikiorneqarneq uani takusinnaavatit: https://peda.net/vala/migration. Pikkorissartitsineq immini akeqanngilaq Kalaallit Nunaanniillu angalanermut 1.300 EURO-nik taperneqarnissannik qinnuteqarsinnaavutit.
Inissat killeqarput, taamaammat 1. marts nallertinnagu pikkorissartitsinissamut qinnuteqapallagit linki una atorlugu: https://nettskjema.no/a/vala2025migration
Imaneq 24 B, 2. sal