Paasissutissat nalinginnaasut

Uppernarsaaneq

Oqaloqatigisartakkannit terapeut-mit SMS-mik allakkamik tigusaqaruit mail-mik allaffigissavat, uppernarsarlugu kissaatigalugu oqaloqatiginninnissamut aggernissat. Taamaaliorsinnaavutit aggeqqusissumiittoq SMS-mik allagarsiat mail-mut allallutit. “AAP” + atit allanik allataqassanngilatit.

Takkussinnaannginneq

Pilersaarutaasutut oqaloqatigiinnissamut takkussinnaanngikkuit tamatuma katsorsaasunnut nalunaarutiginissaa pingaaruteqarluinnarpoq. Takkussinnaannginnerit kingusinnerpaamik oqaloqatigiinnissaq ullumik ataatsimik sioqqullugu nal. 16:00 nalunaarutigissavat. Oqaloqatigiiffissarsi ulloq taanna napparsimalissaguit, kingusinnerpaamik nal. 09:00 takkussinnaannginnerit nalunaarutigissavat. Takkussinnaannginnerup piffissaq oqaloqatigiiffissaq sivitsortarmagu taamaalillunilu oqaloqatigineqartussanut allanut utaqqineq sivitsortarmagu, patsisissaqavillutit aatsaat oqaloqatigiinnissamut takkussinnaanak nalunaassaatit

Katsorsaasunnut, oqarasuaatip normua pissarsiat atorlugu SMS- issaatit Oqarasuaatip normua annaasimagukku uunga mailissaatit: Its@aqqut.gl

Nalunaaqqaarani takkutinngitsoorneq

Oqaloqatigiinnissamut isumaqatigiissutaareersumut nalunaaqqaarnak takkutinngikkuit, katsorsaasunnut SMS-isserlutit, imal. uunga mailerlutit: Its@aqqut.gl oqaloqateqarnissamut piffissamik nutaamik inniminniissaatit.

Oqaloqatigiinnissamut nalunaaqqaarnak takkutinngitsoornerpit kingorna ullut suliffiit pingasut iluanni illit nammineq uatsinnut attaveqanngikkuit, oqaloqateqartarnitit unissapput.

Nipangiussisussaatitaaneq

Nipangiussisussaatitaanerput oqaloqatigiissutigisatta suunera, ilinniagaq pillugu siunnersortinnut allanulluunniit oqaluttuarineqannginnissaanik isumaqarpoq

Ilinniarnermi takkutinngitsoortarneq

Uatsinni oqaloqatiginninnerit pillugu uppernarsaammik QINNGORNEQ-mi siunnersuisunnit pissarsisinnaavutit. Oqaloqatigiinnermi nal. ak. atukkat takkutinngitsoornertut naatsorsuunneqaqqunagit, uppernarsaat taanna ilinniarnermi siunnersortinnut takutissinnaavat.

Utaqqisunik nalunaarsuiffik

QINNGORNEQ-mi oqaloqateqarnissamik qinnuteqaruit utaqqisunik nalunaarsuiffimmut ilanngunneqassaatit. Oqaloqateqarnissamut utaqqineq sap. ak. pingasut missaannik sivisussuseqarajuppoq, ulapaarfinnili sivisunerulaarsinnaalluni. Tullinnguunniariaruit katsorsaasutta arlaannit oqaloqatigiinnissamut aggersaasussamit attavigineqassaatit. Oqarasuaatip normuanut mailimullu oqaloqateqarnissamik qinnuteqarninni ilisimatitsissutigisannut qaaqqusissummik nassiussigajuppugut.

Oqaloqatigiinnerit

Tullissaani oqaloqatigiinnissap ullua nalunaaqutarlu katsorsaasunnut isumaqatigiissutigisassavatit. Oqaloqatigiinnerit nal. ak. ataatsip missaanik sivisussuseqartarput. Oqaloqatigiinnerit ulluinnarni nal. 08:00-ip 15:30-illu akornanni ingerlanneqartarput. Ilinniartunut Siunnersuisarfimmi oqaloqateqarniarlutit ilinniarninni takkutinngitsoornerit akuerineqarsinnaavoq.