Annilaanganeq

Internetsikkut annilaanganermik katsorsaaneq

Ilaannikkut annilaanganeq ersinerlu pissusissamisoortumik pisarpoq, taamaattorli annilaangasarneq inituallaarpat illit atugarissaarnissannut aamma inuunermik ingerlakkusutannut akornutaasinnaavoq. Taamatut pisoqartillugu annilaanganermut immikkut ittumik iluaqusiisussamik katsorsarneqarneq iluaqutaasinnaavoq.

Qinngornermi katsorsarneqarnissamut neqerooruteqarpugut, periutsit sakkussallu annilaangasarninnut iluaqutaasinnaasut pingaarnerutillugit. Manna allat ulluinnarni inuunerminni annilaanganermik misigisaqartartut peqatigalugit gruppitut ingerlaneruvoq, taakkulu illit unamminartuutinnik ilisarinnissinnaassapput.

Nunatsinni sumiluunniit najugaqaraluaruit peqataasinnaavutit. Taamaattorli ilinniartuunissat aamma angerlarsimaffinni internetsimut attaveqarnissat piumasaqaataapput. Angerlarsimaffinniit peqataanissat ajornarpat katsorsaasut peqatigalugit periarfissanik allanik ujartuinissamut periarfissaqarpugut.

Gruppitut neqeroorut ilinnut ataani allassimasunik ilisarinnissinnaasumut saaffiginnippoq:

Misilitsinnissamut imaluunniit saqqummiussinissamut annilaanganeq misigisarukku
Inuit akornanniinnissamut annilaangasarneq
Atuariartunngitsoortarpit imaluunniit allat qanoq eqqarsarnissaat ersiginermut allanut siumut isumaqatigiissutigisanut takkunneq ajorpit

Qanoq qinnuteqartoqarsinnaava

Sioqqullugu oqaloqateqarnissamik qinnuteqarit ajornartorsiutitullu “annilaanganeq” qinerlugu, taava attavigineqassaatit.

Qinnuteqaat uaniippoq: Oqaloqateqartalernissamut qinnuteqarit

Paasissutissat naleqquttut:

Internetsikkut ataatsimiinnissat 8-upput
Tamarmik immikkut 2 tiiminik sivisussuseqassapput
Naapinnerit oqalutseqarluni qallunaatut ingerlanneqassapput
Annilaangasut gruppiat katsorsaasutsinnik pikkorissunik 2-nik ingerlanneqassaaq
Annilaanganeq/Angstgruppemut peqataaniarlutit ilinniarfimmut takkutinngitsoortarnissamut akuersissummik piniarnerit akuersissutaasinnaavoq
Kisimiinnissat akornusersorneqannginnissallu pingaarpoq.
Peqataasut tamarmik nipangiussisussaatitaammata peqataasut tamarmik Annilaanganeq/Angstgruppimi eqqartorneqartut allanit tusaaneqannginnissaannut akisussaaffeqarput.

Annilaanganeq/Angstgruppimi Teams atorlugu aallartileruit malittarisassaq:

Mailikkut linkimik nassinneqassaatit taannalu aqqutigalugu peqataasinnaallutit. Teams qarasaasiannut ikkunneqarsimanngippat periarfissaq una nuissaaq: “browseri una atorlugu ingerlaqqigit” qinersinnaasat. Annilaanganeq/Angstgruppimi naapinnissaq sioqqullugu pingaaruteqarpoq attavik ajunnginnersoq misilissallugu. Annilaanganeq/Angstgruppip naapinnissaa kingusinnerpaamik minutsinik 5-nik sioqqullugu attavininnissaq eqqaamallugu.

Teknikikkut ajornartorsiutit

Teknikikkut ajornartorsiuteqaruit katsorsaasut marluk arlaat attaveqarfigisinnaavat (qulaani talerpiup tungaani attaviginissaanut paasissutissat takukkit).

Qarasaasiap assiliivia mikrofonilu

Annilaanganeq/Angstgruppimi peqataanissamut pisariaqarmat qarasaasiap assiliivianik ajoquteqanngitsumik peqarnissat pingaarpoq. Nipi pitsaanerutissagaanni naalaarutit siutaasat mikrofoniluunniit alla atussallugu iluaqutaasinnaavoq. Mikrofonip højttaleriullu inissiissutai allagaammi “Teamsinut ilisarititsissut”-mi takusinnaavatit.