Skip to main content
search

AQQUT pillugu

Kalaallit Nunaanni aqqutissiuussinermi suliniutinik ineriartortitsinermik nalilersuinissaq ineriartortitsinermullu sinaakkutissanik pilersitsinissaq AQQUT-ip – Kalaallit Nunaanni Aqqutissiuussisarfiup – siunertarai. Ilinniagaqarfiit assigiinngitsut iluini aqqutissiuussinerup pitsaassuseqartinneqarnerata nukittorsarneqarnissaa aqqutissiuussillutillu sulinermik ingerlataqartut tamarmik tapersersorneqarnissaat Aqqutissiuussisarfiup suliniutigai.

Suliassaqarfimmik tassannga 1. juli 2025 aallarnerfigalugu allanngortitsisoqarpoq, tassa Qinngorneq Isumaginninnermik Aqutsisoqarfimmut nuunneqarmat. Taamaalilluni Qinngorneq AQQUT-ip ataaniikkunnaarpoq, aaqqissuussaanermili Isumaginninnermik Aqutsisoqarfiup ataaniilerluni.

Malugiuk: Qinngornerup namminerisaminik nittartagartaarnissaata tungaanut qinnuteqaatit Qinngornermut AQQUT-ip nittartagaa aqqutigalu nassiunneqarsinnaassapput, kiisalu Qinngorneq pillugu paasissutissat AQQUT-ip nittartagaani pissarsiarineqarsinnaassapput Qinngornerlu nittartagaq taanna aqqutigalugu attavigineqarsinnaassalluni.

Suliassat 1. juli 2025-mit agguataarneqarnerat

AQQUT – Kalaallit Nunaanni Aqqutissiuussisarfik
(Ilinniartitaanermut Naalakkersuisoqarfiup ataani immikkoortortaqarfik)

  • Aqqutissiuussinermi suliniutinik ineriartortitsineq nalilersuinerlu
  • Aqqutissiuussinermik suliassaqarfimmi periaatsinik ineriartortitsineq pitsaassuseqartitsinermillu qulakkeerinninneq
  • Aqqutissiuussisoqarfinnik tapersersuineq taakkualu pisinnaasaqassusiinik piorsaaneq
  • Aqqutissiuussisunik Tunngaviusumik Ilinniartitsineq (VGU – Vejledergrunduddannelsen), aqqutissiuussisunik nutaanik pikkorissaasarnerit, VGU-mut uiggiullugu ilinniaqqitsitsineq.
  • Qarasaasiat aqqutigalugit aqqutissiuussineq (Evejledning)

Qinngorneq
(Massakkut Isumaginninnermik Aqutsisoqarfiup ataani)

  • Atuartunik ilinniagaqartunillu isumaginninnermut tarnillu piussusiinut tunngasunik sammisaqartitsineq
  • Ataasiakkaanik oqaloqateqartarnernik ingerlatsinerit pinaveersaartitsiniarlunilu tapersersuineq
  • Ilinniagaqarfinnik Qinngornerup suliai pillugit ingerlaavartumik oqaloqatiginnittarnerit ilisimasanillu avitseqatigiittarneq/siammarterineq.