Aqqutissiuussineq

Aqqutissiuussineq

4 K-p (Kontakt, Kontrakt, Kommunikation, Konklusion/attaveqatigiinneq, isumaqatigiissusiorneq, anguniakkanik nalimmassaaneq, inerniliineq) aqqutissiuussinerup aaqqisuunnissaanut ikiussavaatit

Aqqutissiuussisutut aqqutissiuunneqarniat assigiinngitsut amerlaqisut naapissavatit. Oqaloqatigiinnerit ilaat ajornakusoortutut immaqa misigisinnaasassavatit, immaqalu oqaloqatigiinnerup aaqqisuunnissaanut sakkussannik amigaateqarsinnaallutit. Periuseq 4 K sisamanik immikkoortoqarpoq aqqutissiuussinermilu oqaloqatigiinneq ataatsimut aaqqisuussivigisarlugu. Tamanna uagut aqqutissiuussisutut oqaloqatigiinnermi killiffitsinnik ilisimaarinninnissatsinnik taamaalillutalu siumukarnermik, isumaliutiginninnermik aqqutissiuunneqarniamullu oqaloqatigiinnerup sapinngisamik annertunerpaamik pissarsiviunissaanik qulakkeerinissatsinnik isumaqarpoq.

4 K-p immikkoortui sisamat tassaapput: Kontakt, Kontrakt, Kommunikation, Konklusion/ attaveqatigiinneq, isumaqatigiissusiorneq, anguniakkanik nalimmassaaneq, inerniliineq.

Oqaloqatigiinnermik taamatut sisamanngorlugu immikkoortitsineq ataatsimut isiginnilersitsisarpoq paasilertoruminarsisitsisarlunilu.

Immikkoortut tuleriiaaqqissaartariaqanngillat. Oqaloqatigiinneq utertitsiffigineqartarnertut ingerlammat, oqaluuserisat uterfigineqarlutik eqikkaavigineqarsinnaasarput.

Allaffippit qaaniitittuaruk
Periuseq naqitanngorlugu anillatsillugu allaffiup qaaniitinneqarsinnaavoq, taamaalilluni aaqqisuussaaneq nanilertorneqarsinnaassalluni immaqalu apeqqutissat pitsaasut pigiliunneqarsinnaassallutik.

Attavik: https://www.ug.dk/sites/default/files/evejledning_4k_model.pdf

Suleqatitittaaq peqatigalugit atortaruk
Periuseq 4 K suleqatit peqatigalugit – immaqalu aamma attavigisanni ilinniagaqassutsikkut ajornartorsiutit oqaluuserinissaanni- atorneqarsinnaalluni.