Skip to main content

Suna pillugu attaveqatigiit ataatsimiittarneri (ilinnut aqqutissiuussisumut)?

Najukkani aqqutissiuussisarfinni, ilinniarfinni, suliniaqatigiiffinni peqatigiiffinnilu attaveqatigiinnut tunngatillugu tapersersuineq, AQQUT-ip suliassaasa ilagaat.
Taamaaliortarpugut periarfissaqarfitsinni attaveqatigiinni naapinnitsigut, attaveqarnittalu qarasaasiakkut naapinnikkut annertusaaviginiarneragut. Sulinissinni, sapinngisamik pitsaanerpaamik tapersersuisinnaanissatsinnut, Ilitsersuisarfimmi atorfissaqartissinnaasassinnik suliaqarnissatsinni ilisimasaqalernissatsinnut, ataatsimiinnerit pingaaruteqarput.

Aqqutissiuussisut amerlasuut atuarfinni sullissivinnilu allani kisimiinngikkunik ikittunnguakkuutaarput, taamaammat aqqutissiuussisut attaveqatigiit, illit aqqutissiuussisunik allanik ilisimasanik avitseqateqarnissamut atorsinnaavatit.

Attaveqatigiit, aqqutissiuussisutut suliassanik isumaginninnermut tunngatillugu, aqqutissiuunneqarnianik sullissinermut- suleqatinullu misilittakkanik pitsaasunik avitseqateqarnissannut periarfissippaatsittaaq.

Suli Attaveqatigiinni ilaanngilatit? Najukkanni Majoriaq attavigiuk, illoqarfissinnilu attaveqatigeeqarnersoq apeqqutigiuk.

Aqqutissiuussisunik allanik siunersioqateqarsinnaaneq isumaliutersorsinnaanerlu amigaatigaagit?

Taava piffissaqarfimmi kajumiffimmilu akeqanngitsumik siunersioqatigiit peqataaffigikkit.
Qarasaasiakkut piffissaqarfimmi kajumiffimmilu siunersioqatigiittarneq, ajornanngitsumik akeqanngitsumillu iliniarsimassutsikkut inerisarninnik pilertornerulersitsisinnaasoq, Qinngornermi akeqanngitsumik neqeroorutaavoq.
Uani annertunerusunik paasisassarsiorit