Aqqutissiuussisutut ilinniartitaanerup VGU aaqqissuussaanera
Ilinniartitaanerup aaqqissuussaanerani ilinniagaqarnermut inuussutissarsiutinullu aqqutissiuussisussatut ilinniartitaanermi anguniakkat pillugit imatut allassimavoq:
Aqqutissiuussisutut ilinniartitaanerup Nunatsinni meeqqanik, inuusuttunik inersimasunillu aqqutissiuussinemik siuarsaanissaq peqataaffigissavaa. Aqqutissiuussisutut ilinniartitaanerup aqqutissiukkat ataasiakkaat soqutigisaasa piginnaasaasalu salliutinnissaat qulakkiissavaa, tamatumalu saniatigut inuiaqatigiit piginnaasalinnik sulisoqarnissamut taamatullu ineriartortuarnissamut pisariaqartitaat salliutittuassallugu.
Aqqutissiuussisutut ilinniartitaanerup aqqutissiuussisut ataasiakkaat piginnaasaannik piorsaaffigissavai Nunatsinnilu aqqutissiuussinermik suliaqarfiit assigiinngitsut pitsaassusaannik qulakkeerisuussalluni, kiisalu najukkani ataasiakkaani nunallu immikkoortuini attaveqarfinnik pilersitsissalluni taakkualu ingerlaannarnissaannut qulakkeereqataassalluni. Ilinniartitaaneq aqqutissiuussinerup tungaatigut pikkorissaqqinnissamut ilinniaqqinnissamullu toqqammavissanik periarfissiivoq.
Ilinniartitaaneq suliitigaluni ingerlanneqartarpoq ukiup aappaa qeqqa sivisussusilik sisamariarlunilu sap.ak. 2 missiliorlugit sivisussusilinni atuariartorfiusarluni. Tunngaviusumik ilinniarnerup kingorna nangeqqinnissaq periarfissaavoq.
____________________________________________________________________________________
Aqqutissiuussisutut Ilinniarneq VGU 2021-2022
Pilersaarutaavoq uge 36-mi holdi nutaaq aallartissasoq, aappaagulu septembari inaarutaasumik misilitsittoqassalluni.
Ilaanissamut nalunaarfissaq uani aajuuk: VGU_tilmelding_2021-2022
Ulloq qinnuteqarfissaq kingulleq tassaavoq ataasinngorneq 23. augusti 2021.
Aqqutissiuussisutut tunngaviusumik ilinniartitaaneq ilinniartitsisunit qallunaatut kiisalu marluinnik oqaasilinnit ingerlanneqartarpoq. Atuartitaanermi atortussat annikitsuinnarmik kalaallisut pineqarsinnaapput, atuakkat qallunaatuinnaq pineqarsinnaallutik.
____________________________________________________________________________________
Ilinniartitaanerup aaqqissuussaanerani imatut allaaserineqarpoq:
- Aallaqqaasiut
- Ilinniartitaanerup siunerta
- Ilinniartitaanerup ilusaa aaqqissugaaneralu
- Ilinniartitaanerup sullinniagai piumasaqaatillu
- Ilinniartitaanermi atuartitseriaatsit suleriaatsillu
- Aqqutissiuussisutut ilinniarnermi misilitsinneq
- Nangitsiviusuni siunertaasut, aaqqissuussaanerit sivisussusaallu
- Nangitsiviusuni misilitsinnerit
- Takkuttussaatitaanerit allaaserisanillu tunniussisussaatitaanerit
- Napparsimasimaneq patsisigalugu misilitsinneq, misilitseqqinneq maalaarfissallu
- Ilinniarnermut uppernarsaatit
- Ilinniartitaanermi ilinniartitsisut naliliisartullu
- VGU-p immikkoortuini ilinniartunut siunertat anguniagasallu
- Ilinniartunut ataasiakkaanut nangitsiviusuni siunertat anguniagassallu
Ilinniartitaanerup aaqqissuussaanera PDF-ngorlugu uani aaneqarsinnaavoq