eVejledning

Qarasaasiakkut aqqutissiuussineq nunatsinni ilinniarneq pillugu aqqutissiuunneqarnissamik pisariaqartitsisunut tamanut neqeroorutaavoq.

Ilinniagarisinnaasat, qinnuteqartarnermullu tunngatillugu apeqqutit pillugit qarasaasiakkut aqqutissiuuneqarsinnaavutit, ilinniakkamik toqqaanissanni tamakiisumik paasinnnissinnaanissamut isumassarsiornissamullu ikiorneqarsinnaavutit.

Qarasaasiakkut aqqutissiunneqarneq mailikkut, chat-ernikkut oqarasuaatikkulluunniit attaveqarnissat nammineq toqqarsinnaavat. Ilisarnaat toqqaannassavat. Facebook -imi aamma pissarsiarisinnaavatsigut imal. Messenger-ikkut allavigaluta.

Qarasaasiakkut aqqutissiuunneqarneq tunngaviusumik kinaassuseq isertuullugu ingerlanneqassaaq. Taamaammat suliat ataasiakkaat -ass. qinnuteqaatinik pisortaqarfiit allat akisussaaffigisaannik immersuineq- iserfigisinnaanngilagut.annik immersuineq- iserfigisinnaanngilagut.

  • Nuna tamakkerlugu ilinniartitaanernut aqqutissiuunneqarnissamut neqeroorut nunatsinni siullerpaaq
  • Annertuumik periarfisiisoq
  • Unnukkut arfininngornernilu Ilinniartitaanernut immikkut aqqutissiuussineq
  • Majoriami aqqutissiuunneqarnissamik neqeroorutinut pioreersunut ilassut
  • Tunngaviusumik kinaassutsimik isertuussisoq

Chatip, Facebookip Messengerillu toqqaannartumik eVejlederimik oqaloqateqarsinnaalersissavaatsit aqqutaanilu internetsikkut attavissanik pissarsinissamut periarfissillutit. Chattereernermi oqaloqatigiinnersi toqqorsinnaavat.

Oqarasuaat apeqqutivit pilertortumik akineqarnissaannut periarfissatilluunniit pillugit sivisunerusumik oqaloqateqarnissannut periarfissiivoq.

E-mail apeqqutinnik nammineq sukkassusissaa aalajangikkannik oqaasertaliinissamut, allanillu apeqquteqarniarlutit uteqqinnissamut periarfissiivoq. eVejlederimut apeqquteqarsinnaaninnut ilinniagassatullu toqqakkat pillugu isumaliutersuuteqarninni, ilinniakkamik tamatumunngalu aqqummik eqqortumik nassaarnissamut ikiorneqarsinnaanissannut neqeroorutaavoq pisariitsoq pilertortorlu.

eVejledningimut suut apeqqutigisinnaavigit?

  • ”Ilinniakkap suup toqqarnissaa naluara”
  • ”…tut sumi ilinniarsinnaavunga?
  • ”Ilinniakkamut tamatumunnga suut piumasaqaataappat?”
  • ” Ilinniakkanni sulisinnaajunnaarama allamik ilinniagaqarnissara kissaatigaara. Qanoq iliussaanga?”

eVejledningip sumut atunnginnissaa

  • Qinnuteqarnermi immersugassanik immersuinermi ilitsersortinnermut
  • Kollegia, ilinniartuunersiuteqarneq apeqqutinullu nalinginnaasunut allanut
  • Inuttut inuunermi unammilligassanut

Aqqutissiuussinernut Majoriamit ilinniarfinnillunniit allanit ingerlanneqartunut taartaanissaa siunertaanngilaq, aqqutissiuunneqarninnulli ilassutaassaaq ikorfartuutaallunilu.

Ilinniartitaanermut tunngatillugu eVejledningimit neqeroorutaasumit annertunerusumik aqqutissiuunneqarnissaq pisariaqartikkukku, Majoriamut qaninnermut tamatigut saaffiginnissinnaavutit.

Klik her for at downloade en pjece om eVejledningen. Den er lavet i et print-venligt format på både grønlandsk og dansk.