Skip to main content
search

Ilinniartitaanermik inuusuttunut sammititamik allamik toqqaaneq

Ilinnialernissamut isumaqatigiissusiorsimaguit isumaqatigiissut atorunnaarsinneqarpat, allamillu (imal. isumaqatigiissummut ilassummik) isumaqatigiissusiorsinnaaguit aatsaat inuussutissarsiummut sammititamut allamut imal. immikkut ilisimasaqarfimmut allamut nuussinnaavutit.

Ilinniartitaanermi tassani immikkut ilisimasaqarfimmut allamut imal. tamatumunnga qanittumut nuukkuit, nalinginnaasumik sulinermik atuagarsornermillu ilinniarfigisimasatit tapertaasutut akuerineqarsinnaapput. Sulinermik sungiusarnermut imal. sulinermik misilittagaqarnermut atatillugu ilinniakkamut tunngatillugu ataatsimiititaliaq tamatuminnga akuersisussaavoq. Atuagarsorsimanerup ilaata tapertatut akuerineqarsinnaanissaa ilinniarfimmit qinnuteqarfigisannit aalajangiivigineqassaaq.

Allamik toqqaaneq / Merit

Ilinniagaq inuussutissarsiummut sammititaq aallartinnialerukku meeqqallu atuarfiannit naammassigavit allanik suliaqarsimaguit, ilinniartitsinerit ilaannut immaqa peqataasariaqassanngilatit. Taannalu tassaavoq ilinniakkap ilaata ilinniakkamut allamut tapertaasutut akuerineqarnera.

Allamut sangunissamut kingusinaartoqanngisaannarpoq

ILLINUNA angalanerit, illillu nammineq sumunnarnissat aalajangissavat. Ilaanni aqqut takineq atorneqartarpoq, ilaanni aqqut ingerlaffigisaq nanginneqartarpoq, allatigullu aallaqqaataaniit aallartittoqartarluni. Illit aamma aqqutip allarluinnaap atornissaa isumaliutigaajuk? Allanit isumassarsitinneqarit, uummatillu malillugu nuannarilluinnakkannik sammisaqarit.

Aqqutissiuussisut attavigikkit:

Ilinniarfeqarfik qinnuteqarfigisat attavigiuk.

Iml. najukkanni Majoriaq.
www.iserasuaat.gl / Majoriaq

Aamma eVejledning attavigisinnaavat.

“Eqqaamassavat ingerlanermi nalorninerup pissusissamisoorluinnarnera. Aallartitsinnani ilinniartitaaneq toqqagaq eqqortuunersoq ilisimaneqarajunngilaq. Aalajangertinnata nalorninissamut periarfissarpassuarnillu misissuinissamut immitsinnut periarfississaagut. Ingerlaninni aqqutissiuunneqarnissaq pisariaqartikkukku oqaloqatiginissannut piareersimavugut. eVejledning piffissaq toqqaaniarnerit tamaat attavigineqarsinnaavoq. Nalorninermik oqaasinngortitsineq eqississutaagajuppoq.”

Ilinniakkap ilaata ilinniakkamut allamut tapertaasutut akuerineqarnera (merit)

Merit tassaavoq ilinniakkap ilaata ilinniakkamut allamut tapertaasutut akuerineqarnera.

Tamanna ilinniartitaanerni inuusuttunut inersimasunullu sammititani atuuppoq.

Ilinniartut inuussutissarsiummut sammititamik ilinniagaqalersut tamarmik sap. ak. siulliit marluk ingerlanerini piginnaasatigut naliliivigineqassapput. Piginnaasatigut immikkut naliliivigineqarnikkut

Ilinniarfimmit ilinniakkap ilaata tapertatut akuerineqarsinnaanissaa aalajangiivigineqarsinnaavoq.

Piginnaasatigut naliliivigineqarneq

30-ileereersimassaatit suliffigisamilu ilinniarnissaq kissaatigalugu. Minnerpaamik ukiuni pingasuni sulisimassaatit. Ilinniartup suliffiullu/sulinermik sungiusarfiup ilinniartunngornissamut isumaqatigiissut atsiussavaat, aamma ilinniarneq tamakkerlugu suliffimmit akissarsiaqartitaassaatit. Ilinniartoq ilinniarnini tamakkerlugu meeqqanut tapisissanngilaq.

Ilinniartitaanerit inersimasunut sammititat pillugit Namminersornerullutik Oqartussat nalunaarutaat nr. 25, 7. december 2000-imeersoq.