Skip to main content
search
VGU

Aqqutissiuussisutut ilinniartitaanerup
aaqqissuussaanera

Ilinniartitaanerup aaqqissuussaanerani ilinniagaqarnermut inuussutissarsiutinullu aqqutissiuussisussatut ilinniartitaanermi anguniakkat pillugit imatut allassimavoq:

Aqqutissiuussisutut ilinniartitaanerup Nunatsinni meeqqanik, inuusuttunik inersimasunillu aqqutissiuussinemik siuarsaanissaq peqataaffigissavaa. Aqqutissiuussisutut ilinniartitaanerup aqqutissiukkat ataasiakkaat soqutigisaasa piginnaasaasalu salliutinnissaat qulakkiissavaa, tamatumalu saniatigut inuiaqatigiit piginnaasalinnik sulisoqarnissamut taamatullu ineriartortuarnissamut pisariaqartitaat salliutittuassallugu.

Ilinniagaq atuagarsornertalik sulinermillu sungiusarnertalik ukiumik ataatsimik sivisussusilik.

Modulinik sisamanik tamarmik immikkut sap. ak. missaanik sivisussusilinnik immikkoortortaqarpoq. Tamatuma saniatigut moduli soraarummeerfiusussaq ullunik marlunnik sivisussuseqarluni. Tunngaviusumik ilinniarnerup kingorna nangitsiviusuni assigiinngitsunik sisamanik ilinniaqqinnissaq periarfissaavoq.

Aqqutissiuussisutut ilinniartitaanerup (VGU-p) aaqqissuussaanera 2024-2025

Pilersaarutaavoq 19. august 2024 holdi nutaaq aallartissasoq, aappaagulu uge 23-mi inaarutaasumik misilitsittoqassalluni.

Ilaanissamut nalunaarfissaq uani aajuuk: VGU_tilmelding_2024-2025-grl ny
Immersugassaq immersoriarlugu uunga nassiuguk udd@aqqut.gl
Ulloq qinnuteqarfissaq kingulleq tassaavoq ataasinngorneq 19. juni 2024.

Aqqutissiuussisutut tunngaviusumik ilinniartitaaneq ilinniartitsisunit marluinnik oqaasilinnit ingerlanneqarpoq. Ilinniarnermi atuakkat atuartitsissutillu allat qallunaatuujupput, atuartitsinerli kalaallisut ingerlanneqarluni.

Ilinniartitaanerup aaqqissuussaanerani imatut allaaserineqarpoq:

  1. Aallaqqaasiut
  2. Ilinniartitaanerup siunertaa
  3. Ilinniartitaanerup ilusaa aaqqissugaaneralu
  4. Ilinniartitaanerup sullinniagai piumasaqaatillu
  5. Ilinniartitaanermi atuartitseriaatsit suleriaatsillu
  6. Aqqutissiuussisutut ilinniarnermi misilitsinneq
  7. Nangitsiviusuni siunertaasut, aaqqissuussaanerit sivisussusaallu
  8. Nangitsiviusuni misilitsinnerit
  9. Takkuttussaatitaanerit allaaserisanillu tunniussisussaatitaanerit
  10. Napparsimasimaneq patsisigalugu misilitsinneq, misilitseqqinneq maalaarfissallu
  11. Ilinniarnermut uppernarsaatit
  12. Ilinniartitaanermi ilinniartitsisut naliliisartullu
  13. VGU-p immikkoortuini ilinniartunut siunertat anguniagasallu
  14. Ilinniartunut ataasiakkaanut nangitsiviusuni siunertat anguniagassallu
Ilinniartitaanerup aaqqissuussaanera PDF-ngorlugu uani aaneqarsinnaavoq