Ilitsersorneqarnissamut peqataanissamut nalunaarneq

Ilitsersorneqarneq sunaava?

Ilinniartumut attaveqarninni ilitsersorneqarsinnaavutit. Ilitsersorneqarnissamut nalunaarsinnaavutit inunnut ataasiakkaanut immaqaluunniit siunnersuisut allat peqatigalugit suliffeqarfinni eqimattakkaarlusi ilitsersorneqarnissassinnut. Ilitsersorneqarnerup siunertarivaa ilinniartup iluarisimaarinninnera qaffassassallugu. Ilitsersuinerup aallartinnginnerani eqqarsaatersuutigereersimassavat tarnip pissusaanut ilisimasallip/tarnikkut katsorsaasup suna pillugu ikiussaneraatit.

Ilitsersorneqarneq assersuutigalugu ukununnga tunngasinnaapput:
– Qanoq ilillutit ilinniartup kajumissusaa annertusarsinnaanerit.
– Qanoq ilillutunut ilinniartut inuttut ajornartorsiutaat oqaloqateqarninni pakkersimaarsinnaanerlugit.

 Ilitsersorneqarneq ukununnga tunngasinnaanngilaq:
– Nammineq inuttut ajornartorsiutitit.
– Suliffimmi suleqatigiinniarnermi ajornartorsiutit.
– Siunnersuinermi suleriutsinut tunngasut.

 Kikkut ilitsersorneqarnissamut peqataanissamut nalunaarsinnaappat:
Siunnersortit, meeqqat atuarfianut attuumassutillit aamma.

Ilitsersormeqarnerrup ingerlanera:
Elektroniskiusumik nalunaareeruit, tarnip pissusaanik immikkut ilisimasalimmiit/tarnikkut katsorsaasumiit attavigineqassaatit. Tassani ilitsersorneqarnissamut/sulinermut siunnersorneqarnissamut piffissaliissaasi, taanna annerpaamik akunnermik ataatsimik sivisussuseqarpoq, tamatigungajak Skype-kkut ingerlanneqartartoq. Eqqumaffigiuk utaqqinertaqarsinnaammat.

Pisinnaajunnaanermi malittarisassat:
Ilitsersorneqarnissamut piffissaliussaq allanngortinneqarsinnaavoq maili aqqutigalugu, kingusinnerpaamik nalunaaqutaq 16:00 ullut suliffiit pingasut sioqqullugit.