Suliffissatut oqaluuserisassat

Suliarinnittoq: Thora Steenholdt Majoriaq Kangaatsiaq / Lisbeth Højdalip suliffissatut oqaluuserisassiaanit isumassarsiaq.

Suliffissatut oqaluuserisassat

Suliffiit oqaluuserisassat aqqutissiuunneqarniap qanoq ittuunerata paasiniaaviginissaanut sungiusaaataapput.

Sungiusarnermi aqqutissiuutsinniap siunissami sulerinissaminik takorluugaanik paasiniaanissaq siunertaavoq. Suliffissat pillugit oqaluuserisassanik atuinermi ukkassat assigiinngitsorujussuusinnaapput. Toqqanngisat suunerisa ilisimannginnerat imalt. toqqakkap toqqanngisallu takorluukkallu akornanni siunniussap ilisimannginnera peqqutaasinnaasarpoq.

Aqqutissiuussisoq sammisassamik toqqaareersinnaavoq. Sammisani allani, sungiusarnerup nalaani sammisap immikkut ittup qaqinnissaata naapertuussinnaanera, ass. aqqutissiuunneqarniap killilerujussuarnik toqqagassaqarneranut /allanik minnerpaamik soqutigisaqarneranut) ersiummik takkuttoqarsinnaavoq.

Aqqutissiuussisup suliffissat oqaluuserisassat qaleriinnut pingasunut immikkoortissavai:

Qaleriit siulliit)                     Aap, aqqutissiuunneqarniap nammineq suliffigerusutai.
Qaleriit aappaat)                  Naamik, Aqqutissiuunneqarniap suliffissatut takorloorsinnaanngisai.
Qaleriit pingajuat)               Immaqa, Aqqutissiuunneqarniap suliffissatut nalornissutigisai.

Qaleriit taakku pingasut tamarmik sammisamik pineqartumik paasiniaanissamut atorneqarsinnaapput:

Imminut isiginnittariaatsimik namminerlu piginnaaneqarnermik upperinninneq.
Siunissamut naatsorsuutigisat: Neriunneq siooranerlu.
Inuttut nammineq anguniakkat.
Sulinermi naleqartitat: Iluarisat iluarinngisalluunniit.
Killiliussat akuerisariaqakkallu.
Suliffigilersinnaasat assigiinngitsut pillugit paasinnittariaatsit: Nammineq allallu paasinnitariaasaat pillugit ilisimasat, ilisimasaqarfigisat.

Aqqutissiuussisutut aqqutissiuunneqarniap oqaluttuaa qitiutinneqassaaq. Oqaatsit atorneqartut atukkit, taakkulu iluaqutsiullugit apersuigit. Pisariaqarpat oqaatsinut oqaaseqatigiinnullu pingaarutilinnut, aqqutissiuunneqarniap oqaluttuaanut ilaasunut allattuiffissannik ilanngussamik atuigit. Aqqutissiuunneqarniaq oqaatsinik aalajangersimasunik atuigajunnersoq maluginiaruk.

Aqqutissiuunneqarniaq qaleriiaanit suliffissatut oqaluuserisassaanik ataasiakkaarlugit tigusisaqqujuk, suliffissarlu tassani allassimasoq sivikitsuaraaqqamik isigisaqqullugu. (Sukkasuumik ingerlanissaq eqqaamajuk).
Qaleriiaani Aap-pimi aqqutissiuunneqarniap kissaatai naatsorsuutigisaalu paasiniakkit.
Suliffissat oqaluuserisassat qaleriiaani Aap-pimiittut tigukkit, suliffissanilu tassaniittuni arlaannik assigiiaanik takusaqarsinnaanersusi misissorlugit, taakkunanilu assigiinngissuteqarnersut assigiissuteqarnersullu misissorlugit. Qaleriit taakku qanoq portutiginerat imal. pukitsiginertat maluginiaruk.
Qaleriinnit taakkunannga arlalialunnik toqqaagit aqqutissiuunneqarniarlu aperiuk:

- taakku sooq soqutiginarsinaanersut?
- qanoq oqaluttuussinersut?

Aqqutissiuunneqarniap qaleriiaani Naamik-mi killiliussai paasiniakkit.
Suliffissat oqaluuserisassat qaleriiaani Naamik-miittut tigukkit, suliffissanilu tassaniittuni arlaannik assigiiaanik takusaqarsinnaanersusi misissorlugu. Qaleriinnit takkunannga suliffissatut oqaluuserisassanik arlalialunnik toqqaagit, aqqutissiuunneqarniarlu taakkua pillugit oqaluttuaqqujuk.
Aqqutissiuunneqarniap toqqanngisaminut tunngavilersuutai maluginiakkit.

- soqutiginninnginnermut patsisaa sunaava?
- imal. nammineq piginnaassutsimik upperinninnginnerua?
- imal. suiaassuseq atugassatigullu isumaliutigisat patsisaappat?

Aqqutissiuunneqarniap qaleriiaani Immaqa-miittuni killiliussai paasiniakkit.
Atorfinnik oqaluuserisassanik qaleriiaani Immaqa-miittunik tigusigit, aqqutissiuunneqarniallu suna nalornissutigineraa misissoruk nalorninerminullu tunngavigisai paasiniarlugit.
Aqqutissiuunneqarniap taakku pillugit suut oqaluttuarigai maluginiakkit.

- naammattumik soqutiginninnermik nalorninerua?
- qinigassap allap sunik imaqarneranik ilisimanninnginnerua?
- piumasaqaatit patsisaappat – piginnaasatigut piumasaqaatit?
- ilinniarnerup naammassisinnaanissaanik nalornissuteqarnerua?