Skip to main content

Moduli nangitsivik 2024

Taaguutaa: Moduli nangitsivik
Siunertaq Aqqutissiuussisup immikkut ilisimasaqarfimmi piginnaasaminik inerisaaqqissinnaanissaa modulimi nangitsivimmi siunertaavoq. Sammisat assigiinngitsut sisamat akornanni toqqaasoqarsinnaavoq, sammisanilu amerlanernit peqataaffiginiarneqartuni  moduli nangitsivik ingerlanneqassaaq.
Saaffigisat: Aqqutissiuussisutut tunngaviusumik ilinniarsimasut.
Sammisaq 1: Inersimasunik aqqutissiuussineq karriererimillu ineriartortitsineq Inersimasut karriereminnik ineriartortsitsineranni toqqaaniarnerannilu atugassarititaasunik immikkut ittunik ilinniartup ilisimasaqalernissaa, aqqutissiuussinermilu iliuusissaminik inerisaanissaa siunertaavoq. Ilinniartup aqqutissiuussinermi teorinik periutsinillu assigiinngitsunik inersimasunut tunngatitanik ilisimasaqalernissaa siunertaavortaaq.

Modulip imarisai:

  • Majoriami inersimasunik aqqutissiuussineq
  • Inuuuneq naallugu ilinniarneq karrieremillu ineriartortitsineq.
  • Inersimasuni tarnip pissusaanik ilisimatusarneq, inuunerup ingerlanera inuunermilu (faser)pisartut
  • Karriere pillugu teoriit piginnaasanillu inerisaanissamut  kajumissuseqarneq
  • Piginnaasanik qulaajaaneq naliliinerlu
  • Piginnaasatigut piumasaqaatit inuussutissarsiutitigullu ineriartorneq
Sammisaq 2: Inuusuttunik inersimasunillu immikkut aqqutissiuunneqarnissaminnik pisariaqartitsisunik aqqutissiuussineq Modulimi siunertaavoq inuusuttut inersimasullu  immikkut aqqutissiuunneqarnissaminnik pisariaqartitsisut pillugit ilinniartup ilisimasaqalernissaa, aqqutissiuussinermilu iliuusissatut siunniussat periutsillu suut saaffigisanut assigiinngitsunut naleqquttuunerannik misissueqqissaarnermik naliliinermillu misilittagaqalernissaa.

Modulip imarisai:

  • Inuusuttunik inersimasunillu immikkut aqqutissiuunneqarnissaminnik pisariaqartitsisunik aqqutissiuussinermut paasinninnissamut, tarnip pissusaagut, inuiaqatigiit aaqqisuussaanerisigut qanorlu ilikkartarneq pillugu isumaliutersornikkut periarfissat.
  • Aqqutissiuussineq pillugu teoriit periutsillu inuusuttunut inersimasunullu immikkut pisariaqartitsisunut attuumassuteqartut.
  • Inuusuttunut inersimasunullu immikkut pisariaqartitsisunut ilinniartitaanermut suliffissaqarnermullu neqeroorutit.
  • Inatsisit maleruagassallu inuusuttunik inersimasunillu immikkut pisariaqartitsisunik aqqutissiuussinermut attuumassuteqartut.
  • Ataatsimoorneq kinguneqarluartoq, peqataatitsineq pissusissamisoornerlu- ajattuineq isummiuteriikkallu tunngavigalugit pinninneq.
  • Suleqatigiinneq attaveqarfiillu.
  • Ileqqorissaarnermut oqaloqatigeeriaatsimullu tunngatillugu unammilligassat, inuusuttunik inersimasunillu immikkut pisariaqartitsisunik aqqutissiuussinermut attuumassuteqartut.
Sammisaq 3: Ikaarsaarnermi aqqutissiuussineq Ikaarsaarnissamut aqqutissiuussinermi immikkut ittunik ilinniartup ilisimasaqalernissaa, nammineq periutsiminik misissueqqissaarsinnaanngornissaa naliliisinnaanngornissaalu modulimi siunertaapput. Ilinniartup iliuusissamik aqqutissiuussinermik, ikaarsaarnermi ajornartorsiummut aalajangersimasumut siunnerfilimmik inerisaasinnaanngornissaa siunertaavortaaq.

Modulip imarisai:

  • Ikaarsaarnermi aqqutissiuussinermi anguniakkat, aaqqissuussaaneq suleqatigisallu.
  • Ikaarsaarnermi ajornartorsiutit pillugit teoriit pissutsillu immikkut ittut tarnip pissusaanut, inuiaqatigiit aaqqissugaanerannut kulturimullu tunngasut taakkununnga sunniuteqartut.
  • Ikaarsaarnermi aqqutissiuussinermi periutsit iliuusissatullu siunniussat.
  • Ikaarsaarnermi ajornartorsiutit immikkut ittut ass. meeqqat atuarfiata  inuusuttunullu ilinniarfiit/Majoriap, inuusuttunut ilinniarfiit qaffasissumillu ilinniartitaanerit aamma /imal. inuussutissarsiutit akornanni ikaarsaarnernut attuumassuteqartut.
Sammisaq 4: Unitsitsinngiinnarnissamik aqqutissiuussineq Modulimi siunertaavoq inuusuttut inersimasullu ilinniagaqarnissamut ilikkagaqarnissamullu piginnaasaannik tunngasunik ilisimasaqalernissaq,  ilinniagartut ilinniakkaminnik unitsitsinngiinnarnissaanik aqqutissiuussinermi periutsinik suliniutinillu ikorfartuisinnaasunik pilersitsillunilu inerisaasinnaanissaq.

Modulip imarisai:

  • Ilinniartitaanermut inuussutissarsiutinillu aqqutissiuussineq – meeqqat atuarfianniit/Majoriamiit inuusuttunut ilinniarfimmut qaffasissumillu ilinniarfimmut
  • Ilinniakkamik taamaatitsiinnartarnermut tunngatillugu ajornartorsiutit – tamatumunngalu atatillugu ajornartorsiutit inuttut atukkanut, suiaassutsimut imal. kulturimut attuumassuteqartut
  • Kajumissuseq ilinniakkamillu taamaatitsiinnartarnernik pitsaaliuineq – aqqutissiuussinermi iliuusissatut siunniussat periutsillu
  • Sunngorsinnaanermik ilinniartitaaneq (karrierelæring) toqqaasinnaanermullu piginnaassutsinik inerisaaneq
  • Suleqatigiinneq attaveqarfiillu
Piffissaq: Moduli siulleq: 16. – 18. januar 2024

Modulit aappaat: 20. – 22. februar 2024

Soraarummeerneq: 23. april 2024

Sumiiffissaq: Tunngaviusumik Nuummi; pikkorissartussalli amerlanersaasa suminngaanneernerat apeqqutaassaaq.
Oqaatsit ilinniartitsinermi

atorneqartus:

Danskit oqaasii. Gruppimi oqallinnermi
Nalunaarfissaq kingulleq:

8/12-2023

Ataani immersugassamik immersuinikkut peqataaniarlutit nalunaarit.