Toqqaaniarneranni aqqutissiuussisutut qanoq ilillutit ikiorsinnaavigit?

Toqqaaniarneranni aqqutissiuussisutut qanoq ilillutit ikiorsinnaavigit

Aqqutissiuunneqarniat amerlasuut nalornilersarput. Ilinniakkamik toqqaaniarnerminnut eqqortumillu toqqaasimanerminnut tunngatillugu. Tamatumani aqqutissiuunneqarniat ikiorneqarnissaannut periusissat amerlasinnaapput. Nalorninerup pissusissamisooluinnartuuneranik inuusuttup oqarfiginissaa pingaaruteqarpoq!

Aqqutissiuussisutut, oqaloqatigiinnikkut aqqutissiuunneqarniap toqqakkaminik misissuinissaanut periaatsinik tunniusseqataasinnaavutit. Nalorninerup apeqquteqarfiginerinnaagut periarfissanillu allanik misissuinikkuttaaq taamaaliorsinnaavutit. Meeqqat atuarfianni naammassereernermi imal. efterskolereernermi inuussutissarsiutinut qitiusumik ilinniarfik imal. GUX toqqarneqarajupput.

Inuussutissarsiutinut qitiusumik ilinniarfimmi imal. GUX-imi ulluinnaat qanoq ingerlanissaannik paasissutissiisinnaasunik naatsunik danskisut oqaasertalinnik titartakkanik filmiliaqarpoq

Attavik toorlugu video isiginnaaruk:

Inuussutissarsiutinut qitiusumik ilinniarfimmi ulluinnaat:

https://www.ug.dk/6til10klasse/din-nye-hverdag-paa-en-erhvervsuddannelse

Ilinniarnertuunngorniarfimmi ulluinnaat:

https://www.ug.dk/6til10klasse/din-nye-hverdag-paa-en-gymnasial-uddannelse

Siunissami ilinniagarilerumaakkamik/atorfigilerumaakkamik toqqaanissami sakkussaq periarfissiivoq
Aqqutissiuunneqarniap periarfissani assigiinngitsuni annertunerusunik periafissinneqarnissi pisariaqartippagu, siunissami ilinniagarilerumaakkamik/ atorfigilerumaakkamik toqqaanissami sakkussaq atorneqarsinnaavoq. Amerlanersatta ilinniartitaanerit tallimat arfineq marlullu akornanniittut suuneri nalunnginnatsigik, ataasiakkaat paasiniaaviginerisigut periarfissat amerlassusaat uissuummissutaassaaq.

Link: https://www.ug.dk/vaerktoej/jobkompasset/

Sakkussaq iserfigigaanni toorsilluni ilinniartitaanerit ilisimanngisat imal. alapernaaffigilikkat annertunerusumik paasiniaavigineqarsinnaapput