Ilinniagariniakkap nalornissutaanerani ima ikiuussinnaavutit

Ilinniagariniakkap nalornissutaanerani ima ikiuussinnaavutit

Ilinniakkamik qaffasinnerusumik toqqaanissaq amerlassuunit ajornakusoortutut- minnerunngitsumillu pingaaruteqarluinnartutut -misigineqartarpoq. Aaliangiineruvormi pingaaruteqaqisoq aqqutissiuussisutulli toqqaaniarnermik persuarsiorunnaarsitseqataalaarsinnaavutit:

– Aallaqqaammut kukkusumik toqqaagaanni, tullissaani toqqaanissamut tunngatillugu ilisimasaqarnerulersitsivoq.
– Siunissamut tunngatillugu amerlanersatta suliffeqarnitsinni tallimariarluta arfineq marloriarlutaluunniit sammivinnut allanut sangusasaagut.
– Ilinniakkatut toqqagaq siulleq pingaaruteqarpoq, ukiulli suliffiusut sinnerini sunik suliaqarnissamut takutitsisariaqarani.

Aallartinnissat nalorniviuk? Ilinniarfissamik neqeroorfigineqareersuni aallartinnissaq nalornissutaappat, patsisaasut assigiinngitsut ass. ilinniagaqassutsikkut soqutiginninneq immaqaluunniit suliffissaqarsinnaanissaq ernumassutaanersoq, aqqutissiuussisutut apeqqutigisinnaavatit. Ilinniagaq ilinniarnermilu avatangiisit taakkununngalu tunngatillugu suut isumaliutersuutaanerannik annertunerusunik paasisaqarnissaq siunertaralugu, ilinniakkami pineqartumi aqqutissiuussisumut attaveqarneq immaqa iluaqutaasinnaavoq.

Qaffasinnerusumik ilinniagaqarnissamut piareersimavunga? Aqqutissiuunneqarniap qaffasinnerusumik ilinniagaqarnissamut ilumut piareernini aamma nalornisinnaavaa. Angerlarsimaffiup qimannissaa imal. Danmarkimut nuunnissaq pingaaruteqarsinnaavortaaq, nalorninerullu tamatuma oqaluuserinissaa pisariaqartinneqarsinnaalluni.

Danmarkimi ilinniarnisaq nalornissutaava? Danmarkimi ilinniartitaanernut tunngappat, Danmarkimi eVejledning aqqutissiuunneqarniamut innersuunneqarsinnaavoq.

https://www.ug.dk/evejledning

Danmarkimi ilinniarnermik aallartitsinissamut tunngatillugu nalornisat amerlasuut- nalinginnaasuttaaq qulaajarnissaannut Kalaallit Illui aamma ikiuussinnaapput.

https://grl-rep.dk/da/pas/huse

Oqaloqatigiinnissanut isumassarsiassanik annertunerusunik uani pissarsisinnaavutit:

https://www.ug.dk/videregaaendeuddannelse/omvalgafuddannelse/i-tvivl-om-dit-valg-af-videregaaende-uddannelse

Periarfissanik assigiinngitsunik arlalinnik ammaassinermut tunngatillugu sakkussat makku immaqa isumassarsiviusinnaapput:

https://www.ug.dk/inspiration/valgafvideregaaendeuddannelse