Aqqutissiuusinermik naliliineq
Agriconsulting Europe-ip nalunaarusiani nunatsinni aqqutissiuussinermik naliliiviginnittoq naammassivaa, taannalu nutserneqareersimalerluni. EU-kommissionimit aningaasatigut allatigullu ikiorserneqarluni nalunaarusiortoq tassaavoq Dr. Søren Kristensen.
Nalunaarusiami sukumiisumi nunatsinni ilinniartitaanermut inuussutissarsiutitigullu siunnersuinermut atatillugu suliniuteqarneq tamakkiisoq naliliivigineqarpoq. Nalunaarusiami ullutsinni aqqutissiuussinermut tunngasut inatsisiliornerillu assigiinngitsut misissuiffigineqarput.
Naliliinermi siunissami aqqutissiuussinissanut innersuussutit qulit saqqummiunneqarput
- Aqqutissiuussineq pillugu inatsimmi apeqqutinut akineqanngitsunut
- Nuna Tamakkerlugu Ilitsersuisarfiup suliassaanik killiffianillu qulaajaaneq
- Inuusuttunut saaffigisanut paasiniaalluni aqqutissiuussinermi maleruagassatut akerlileruminaatsutut siunnersuutit
- Sukumiinerusunik maleruagassiorniarluni ilinniarfinnut (pingaartumik ilinniarnertuunngorniarfinnut) nalunaarutinik pioreersunik misissuineq
- Suliassanit allanit artukkerneqannginnissaq qulakkeerniarlugu Ilinniarfinni Majorissanilu aqqutissiuussinermi suliassanik immikkoortitsineq
- Qarasaasiakkut nalunaarsuinermut sullississummik naammassinninneq
- Aqqutissiuussinermi qarasaasiakkut paasissutissanik pisariitsumik ujaasinissamut iserfissamik pilersitsineq
- Aqqutissiuussinermi sullississutit akornanni attuumassuteqarfinnik qulaajaaneq
- Aqqutissiuussinerup pitsaassusaanut tunngaviusunik oqaasertaliineq pitsaassutsimmullu iliuusissanik siunniussinissamut kajumissaarineq
- Aqqutissiuussineq pillugu nuna tamakkerlugu iliuusissanik siunniussineq
Imaneq 24 B, 2. sal